525. sözlüklə keçən ilin ortalarında iyun iyul aylarında tanış oldum. çox fərqli bir yer idi, ekşisözlük və incisözlük kimi sözlüklərdən xəbərim olsa da heç vaxt yazmamışdım. ona görə də iyul ayından vəziyyətin nə yerdə olduğunu öyrənmək üçün qeydiyyatdan keçmədim dedim bir az oxuyum. sonra ofisant işlədiyimdən iplər qopdu sözlüklə aramızda. yay tətili bitdi dərslər başladı, ancaq mən sözlüyü unutmuşdum. telefonum da olmadığından istəsəm belə girə bilməyəcək idim. nəysə günləri yola verə-verə gəldik çıxdıq noyabr ayının sonlarına. mən telefon aldım, sözlük yadıma düşdü və sözlüyə girdim.

o vaxtlar sözlükdə hack məsələsi var idi, sözlükdə qruplaşmalar da var idi. moderatorlar nə eləyəcəyini bilmirdi, yazarlar da hack olan profillərinin dərdinə düşmüşdü. nəysə sonra sular duruldu vəziyyət sakitləşdi, sözlük normal halına döndü.

hələ o vaxtlar nəsil söhbəti də yox idi, sağolsun sən yox mən yox bəs kim kardashian. adam ondan sonra gələcək olan yazarlarla büllur keçəcək deyə nəsil söhbətini ortaya atdı. day hardan bilsin ki, özü elə büllur malzemesi olacağını. -*
heç unutmayacam manqurtun 2.nəsillərə üzünü tutub yazdığı entryni. o entry 2. nəsillərin qan yaddaşı oldu, jurnalların, gündəliklərin arxasına yazıldı. -* sonra yeni gələn yazarlar bilməz söhbəti yarandı. 2. nəsillərin beyni çöndü birinci nəsil olub nə qələt eləmisiz dedi və bir rəqabət başladı. manqurtu söhbətə çağıranlar kim, timidusa "yığışdır o nəsil söhbətini siktirtmə dalağını" deyənlər kim, nickaltılara 1.nəsil yazıb sonradan onu 2.nəsil olaraq dəyişənlər kim (bax: qalaxsi es dört) və s. kimi söhbətlər yola verdik sözlüklə.

yazarlıqdan çxıb partizan olduğum gün də yadımdadı. çox bomba şey deyil bildiyin işverənlik eliyirəm amma azərbaycanlı qanı axır birisinin torbasını tikməkdən ləzzət aldığım da oldu. nəysə çox da ürək açıcı deyil bu məsələ -*

sözlüklə arada küsdük, arada çox yaxın dost olduq. yaxşı, pis günlərimiz keçdi. arada dərdimi paylaşdığım tək dostum oldu arada da anasına kimi söydüyüm düşmənim oldu. belə indi də aramız çox da yaxşı deyil, nə küsük nə də normal münasibətimiz var. arada qarşılaşanda da səmimiyyətsiz bir salam verib keçirik ikimiz də. bilmirəm bunun axırı necə olacaq, münasibətimiz bitəcək kimi görünür ancaq böyük danışmaq da istəmirəm. yazacağım son entry də ola bilər, yenidən yazmağa başlamağıma kömək edəcək entry də ola bilər. çox qarışıq münasibətimiz var. o ayrılmaq istəməyib amma çox da yaxın olmaq istəmədiyin sevgili olure bax ondan heç fərqi yoxdu bu dəqiqə sözlüyün. dəyərli bir şeydir amma çox da dəyər vermək olmur.

tanım: 1 ilimi tamamladığım sözlük.
(baxma: verəcəyim tanımla mazağlaşım)