1. 18 yanvar 1971-ci ildə biləsuvar rayonunun ismətli kəndində ziyalı ailəsində doğululanbakı dövlət universitetinin jurnalistika fakültəsini bitirmiş azərbaycanlı yazıçı."azadlıq" qəzetində çalışıb, "azad söz" qəzetinin baş redaktoru olub. uzun müddət"525-ci qəzet", "carçı", "avrasiya", "ekspress" qəzetlərində çalışıb, qafqazın ilk tele-jurnalı olan "tv-tel" jurnalının redaktoru kimi fəaliyyət göstərib.

ilk kitabı "öləngi"' 2000-ci ildə nəşr olunub. kitaba müəllifin hekayələri ("6 kilkə"), esseləri, şeirləri, bir novellası ("iç-içə") və 1996-cı ildə, 26 yaşında yazdığı "öləngi" romanı daxil edilib. elə həmin il "ekspress" qəzetinin keçirdiyi sorğuda "öləngi" romanı "ilin hadisəsi" hesab olunub.

"hər sabah yaşam" (dəfnəli şeirlər) kitabı 2008-ci ildə nəşr olunub. kitabda toplanan bədii-fəlsəfi şeirlər pərviz cəbrayılı daha yaxından tanımağa imkan verir. üçüncü kitabı - "ən yeni ədəbiyyat" seriyasında nəşr olunan "yad dildə" müəllifin cəmiyyətimizdə son 20 il ərzində baş verən hadisələrə bədii yanaşmasını əks etdirir. roman haqda müxtəlif qəzet və saytlarda ayrı-ayrı baxışları əks etdirən çoxlu elmi-tənqidi, publisist yazılar dərc edilib. romana maraq 2011-ci ilin "nəsimi" kitab müsabiqəsində "ilin romanı" adını qazandırıb. daha sonra isə azərbaycanın ən prestijli müsabiqəsi olan "milli kitab müsabiqəsi"ndə (mkm) birinci yerin qalibi seçilməklə böyük qalmaqala səbəb olub. qalmaqal nəticəsində 17 nəfərlik jüridən üçü istefa verib. roman mkm tərəfindən təkrar nəşr edilib.