21. uşaq vaxtı, evdəkilər hər yay məni göndərirdilər rayona, babamın yanına. nənəm rəhmətə getdikdən sonra tək qalırdı, məni də göndərirdilər ki başını qatım, həm də əla söhbətimiz olurdu, mənə kart oynamağı, futbolu filan öyrədirdi. zamanında ssri kommunist partiyasının azərbaycan zadının sədri olmuşdu, yəni savadlı bilikli adam idi. bu həyatda ən çox sevdiyi iki şey var idi, siyasət və futbol. var idi deyirəm çünki 2 il əvvəl babamı da itirdim. rest in peace deyib keçək mətləbə -*

babam uşaqlıqdan maradona fanatı idi, argentina milli komandasına azərkeşlik edirdi. ona görə otağında futbol kitabları, maradona nın posteri belə var idi. mən hər il 3 yay o posteri görürdüm hər gün. ona görə də mənim futbol biliyim/sevgimin formalaşmağı elə bundan başladı. uşaqlıqda sevdiyim bir oyunçu var idi, diego armando maradona. buna uyğun olaraq da napoli klubuna azərkeşlik etməyə başladım. sözün düzü maradona nın fəal futbol həyatındaki oyunlara baxmamışam, az yaşlı idim. amma babam napoli çempionluqlarını görmüşdü, özü də iki dəfə. həmçinin maradonanın dünya çempionu olmasını argentina yığması ilə, uefa kubokunu qazanması. maradona nın klub kariyerasındaki ən uğurlu illər napoli ilə bağlıdı, təkcə boca juniorsda 1 ölkə çempionluğu var. əvəzində barcelona, sevilla kimi klublarda çıxış etməsinə baxmayaraq liqa və avrokubok çempionluqları napoli ilə bağlıdı.

elə özümü biləndan, futbolu dərk edəndən azərkeşlik etdiyim bir klub olub, o da napoli. mənə yaşıdlarımın real madrid, barcelona, manchester united, chelsea kimi varlı, böyük klublara azərkeşlik etməsi çatmırdı. məktəb vaxtı playstationa gedəndə də böyük klublara qarşı seçimim elə öz klubum olurdu -*

mən napolinin serie c, serie b dövrlərində də bu klubun azərkeşi olmuşam, kompüter, internetim olmayanda klublarda oturub 3.liqadaki oyunlarını izləmişəm. o dövrlərdə stream, live channel kimi söhbətlər çox yox idi deyə, elə ancaq heyətləri və yazılı şəkildə oyunu görə bilirdim.

sonra aurelio de laurentiis klubu aldı və dirçəliş başladı. yavaş yavaş liqaları devirdi. 3 il serie c1, 1 i serie b macərasından sonra juventus ilə birliktə serie a-ya yüksəldi və o vaxtdan əsas liqadadı klub.
klub maddi problemlərə görə iflas olub düşmüşdü aşağı liqalara, juventus kimi oyun alqı satqısına görə yox -*
ama klub uğuru man city, chelsea kimi pul axınları ilə qazanmadı. ruhu ilə, tarixi ilə qazandı çünki bu klubun onsuz da tarixi də var idi, pulu da, azərkeşi də stadionu da, belə lap daşşağı da. indi kasıb deyil klub, ən azından kasıb klub 40-50 milyon vermir bir oyunçuya (bax: gonzalo higuain)

bu kluba hələ də bağlı qalmağımın səbəblərindən biri də, napoli şəhərini sevməyimdi, bakıya oxşar bir şəhərdi. insanları da həmçinin. napoli əhalisi klub 3.liqada olanda belə 50-60 min nəfər gəlib stadio san paolonu doldura bilirlər. hal hazırda da.

son 4-5 ildə napoli mütəmadi ilk 3 yerə oynayır, bu illərdə bir neçə dəfə 2.pilləni tutdu. hal hazırda maddi, mental, ruh olaraq italiya nın juventus ilə birliktə ən güclü klubudu. milan, inter, roma napoli ilə oyunlarda 4-5 dənə də yeyirlər arada -*

heç vaxt böyük, bahalı translerlər görmürsən napoli kimi kluba balet edəndə, kuboklar görmürsən. hərçənd mən artıq 2 coppa italy və 1 supercoppa italy görmüşəm -*

günü bugün napoli 24 turdan sonra juventusu iki xal qabaqlayır və liderdi. bugün isə juventus ilə deplasmanda çox çətin bir oyun var, heç heçə belə bizə sərf edir ama mən bugün inanıram ki klub meydana qələbə üçün çıxacaq. biz bunu daha əvvəlki illərdə, juvenin çl da finala çıxdığı, serie a nı qazandığı dönəmlərdə də, kubok finalında da etmişik, inşallah yenə edəciyik -*

siz başa düşmərsiz məsələn, lavezzi, cavani kimi oyunçular klubdan gedəndə mən neçə günlər lomkada olmuşam. hətta cavani-nin vəda klipinə bir parkda oturub gözlərim dolu halda baxmışam (baxma: sad smile)

ilk tattoom- da napoli ilə bağlıdı və o gündən qolumda tattoonu gəzdirməyi şərəf bilmişəm. http://i.imgur.com/m5ULW2b.jpg

heç vaxt böyük pullar, translerlər istəyində olmamışam, napoli mənim ilk klubum olub, son klubum olacaq. mən bir dəfə aşağı liqaların dadını yaşamışam, yenə olsa yenə də sonuna kimi dəstəkləyərəm.
çünki napoli artıq mənim üçün bir klubdan daha artığıdı.

adətən özümü bax mən napoli azərkeşiyəm kimi göstərməməyə çalışmışam, klub bu il çempion belə olsa özümü dağıtmaram, heç başlığına da yazmaram. bugün dedim bunu yazım ki, çakma borussia dortmund, tarixsiz chelsea, yeni yeni liverpool azərkeşləri bilsin ki kluba bolet eləmək nədi -*