1. yeri gəldi, gəlmədi gic-gic hər şeydən danışan, onun fikri soruşulmadan hər şeyə burnunu soxan, gördüyü hər şeyə fikir bildirməyi öz "intellektual" ruhuna doğma bilən, basıb-bağlayan, amma basıb-bağlayarkən də sıçıb-buladığı aşkar görünən gijdıllaxizm cərəyanının nümayəndələrinin aid olduğu şəxslərə deyilir.

insanın maraq dairəsinə hər şeyi qata bilməsi normaldır, amma bu axının nümayəndəsi olan gijdıllaxoidlər buna maraq deyil, professional sahələri kimi baxırlar. hərşeyşünaslığın təməlində ilkin olaraq bilməmək durur. bir hərşeyşünas olaraq ilk öncə danışdığınız şey haqqında heç nə bilməməli , bilirsinizsə də, əmin olmamalısınız.əsas təməl şərt budur, şübhəçi olmamalısınız bilmədiyiniz şeyi bildiyinizə dair fikrinizə qarşı.

müasir dövrdə azərbaycan cəmiyyətində, xüsusilə də, gənclərimiz arasında sayı çoxalan hərşeyşünasizm axınının və hərşeyşünaslıq elminin nümayəndələri parazit kimi hər yerə sürətlə yayılmaqda, hər addım başı, hər məclisdə özlərini göstərməkdədirlər.