14. iki ildən çoxdur mobil telefonum yoxdu. telefon işlətmək belə yadımdan çıxıb. hardasa beş-altı il əvvəl telefon almışdım. reklamlardan, ordan-burdan təsirlənib bir növ propoqanda qurbanı oluruq. halbuki bu zibil texnologiyalar nəyimizə lazımdı? heçnə. telefonum olan vaxt o telefonla bir nəfərlə belə danışmamışdım, özümlə çölə çıxanda telefonu aparmırdım. elə ancaq evdə qalırdı. sonra rədd elədim. söhbət eləməyə heç kimim yoxdur, mesajlaşmaqdan zəhləm gedir, mesaj anlayışı ümumiyyətlə ürəyimi bulandırır. eyni zamanda heç bir sosial şəbəkəyə girmirəm, email hesabım var idi bəzi adamlarla * onlarda xaricdə yaşayır danışmaq üçün. bir neçə həftə əvvəl email hesabımıda bağladım. internetdə isə kitablar+arxiv.org+stringworld.ru+soz6-dan başqa heç bir sayta girmirəm, porno izləmirəm, xüsusi ban qoymuşam pornoqrafik materiallara qarşı, üç-dörd kinodan başqa heç bir kino izləmirəm, həmin kinoları isə birdəfəlik yükləmişəm. hər həftə eyni kinolara üç-dörd dəfə baxıram. istədiyim kitablar əlimdə olsa - yəni şəxsi kitabxanam olsa dərhal komputerdən və internetdən də imtina edərəm. işıqdan imtina etmişəm. bayaq bir ton şam almışam, şamlardan istifadə edəcəm. tv izləmirəm ümumiyyətlə, bayıra az çıxıram, çıxanda isə avtobus, maşın və s.-dən istifadə eləmirəm, ayaqla gəzirəm. get-gedə bütün bunlardan təmamilə imtina edəcəm. yoxlayın. həyat belə daha rahatdı, daha asandı, başınız sakitdi, heç kimin bütün günü ~~necəsən? nə var nə yox? evdəkilərə salam de~~ kimi iyrənc mesajlarına dözmək məcburiyyətiniz yoxdur, camaatın şəkillərinə baxmaq, mənasız statuslarını oxumaq dərdiniz yoxdur, avtobus sıxlığından, əsəbdən canınız rahatdı, lazımsız xəbərlər, eyni ssenari boş serial və filmlər izləmirsiz, heç kim zəng vurmur, axtarmır, nəsə soruşmur.

təzə söz çıxarıblar - asosial. normal yaşamaq istəyən hər kəsə bu sözü ilişdirirlər. sanki hər kəs mənasız şeylərlə sosiallaşmalıdı. hər kəsin dostu, sevgilisi, telefonu, interneti olmalıdı.

not: əlbəttə tam rədd eləmək olmur. məsələn məcbur olaraq iş üçün bunlardan istifadə edənlər var, məcbur mənim kimi üç sayta girsə belə internetdən istifadə etməli olanlar var ancaq bacardığımız qədər günbəgün həyatın bütün marağını yox edən zibillərdən qurtulmalıyıq.