1. mənası 'meymun və kəllə' olan bürüncdən hazırlanmış heykəl. heykəltəraşı hugo rheinholddur. Əsər həm də 'kəlləsini seyr edən meymun' kimi də tanınır. ilk dəfə 1893-cu ildə sərgidə göstərilib. bir az da heykəlin özü haqqında məlumat verim. heykəldə bir şimpanze əl yazmaları ilə kitabların üstündə oturub. meymunun sağ əlində tutduğu insan kəlləsi şekspirin hamlet tamaşasında danimarka şahzadəsinin yorik üçün yas saxladığı səhnəni xatırladır. meymun çənəsini digər əlinə dayamış, kəlləsinə baxmaqdadır. sol ayağı ilə sağ ayağına dayaq verərək oturub və sağ ayağı ilə bir kompas tutub. meymunun üzərində oturduğu kitablardan birinin qırağında darwinin adı yazılıb. meymunun ayağının ucunda olan kitabın üzərindəki sağ tərəfdəki səhifədə yaradılış kitabından eritis sicut deus cümləsi var. bu sözün mənası isə yaradılış kitabında ilanın həvvanı qadağan olunmuş meyvəni yeməsi üçün işlətdiyi cümlədir, yəni 'pislə yaxşını bilərək tanrı kimi olacaqsınız'.