mikayıl müşfiq
əjdahalar googllayenə o bağ olaydı - oxu tar - yazarların paylaşmaq istədikləri şeirlər - elza seyidcahan - eyyub yaqubov - gülhüseyn hüseynoğlu - ən bəyənilən şeir misraları - stalin - ömər xəyyam
həyat nədir? sual verdim özümə,
mənasını çiçəklərdən öyrəndim.
yaşadıqca çarpışmayı, sevməyi
qəlbimdəki diləklərdən öyrəndim.
bir yay aldım çıxmaq üçün şikara,
tuş gəldim bir ahu gözlü nigarə.
nişan alıb ox atmağı, nə çarə,
daş ürəkli mələklərdən öyrəndim.
sular kimi köpüklənib daşmağı,
ellər kimi uca dağlar aşmağı,
min bir əməl arxasınca qoşmağı
dürlü-dürlü ürəklərdən öyrəndim.
xəbər olsun hər tazəyə, hər gəncə:
insan çocuq, həyat ona əyləncə…
mən gurultu qoparmağı ilk öncə
alov gözlü şimşəklərdən öyrəndim.
həyat nədir? ölüm nədir? boş sual!
sevda nədir? hicran nədir? bir xəyal!
mən bunların əsasını, iştə, al:
həp çəkdiyim əməklərdən öyrəndim.
üzv ol