868. divarlarına yazılar yazılan bir pub kimi təsəvvür etdiyim platformadır gözümdə. yazarlar da bu pubın müştəriləridir sanki. arada bir gəlib oraya buraya öz fikirlərini yazırlar. nə bilim, gəlib musiqi açırlar, həyatda başlarına gələn hadisələrdən danışırlar, öyrəndikləri məlumatları paylaşırlar və s.

bəzilərimiz gileylənir ki yazarlar aktif deyil, nə bilim bəziləri söyüşsüz yazılar görmək istəyir, bəziləri paylaşılan gözəl musiqilər üçün gəlir, bəziləri trollardan, təhqiramiz yazılardan şikayət edir, bəziləri də qrammatik qaydaların pozulmamasından , mentalitetdən dəm vurur. ancaq heç kim dərk etmir ki bütün yazarlar eyni üslubda yaza bilməz vəya hər gün işə gedirmiş kimi gəlib burda yaza bilməz. gördüyüm qədəriylə deyə bilərəm ki ortada tək həqiqət var ki buraya gələn hər kəsin qane olması vəya xoşbəxt olması mümkünsüzdür. ona görə belə gileylənmələri buraxıb hər şeyi öz axarına buraxmaq lazımdır. açıq platformdur, başqasının yazılarını bəyənmirdənsə otur daha gözəlini yaz, dərd etmə, əgər sənin yazdığın vəya paylaşdığın daha yaxşıdırsa qoy o pis saydıqların da dursun orda ki sənin nə qədər qəşşəng yazdığını müqayisə edərək görə bilsin auditoriya. bunun üçün oturub hır çıxarmağın mənası yoxdur.