16. Tanış bir oğlana LSD sitter olmuşdum. Özü də namaz qılan oğlan. Həyatı boyu heç bir ekzistensial beyin təcrübəsi olmayan insan. Adam skeptik yanaşa, məni tutmayacaq deyə qəbul elədi. Gördükləri, yaşadıqlarına gözləri yaşarmışdı.
"27 yaşım var, həyatım boyu özümü belə tamamlanmış, harmoniyada hiss etməmişdim. Bu an Allah mənə cənnəti versə, gördüyüm bu mənzərə, bu harmoniya, bu mükəmməllik hissinə dəyişmərəm. Bu an gördüyüm mənzərəni çəkən rəssam olsa, bu səhnəyə milyon dollar verib, otağımın divarından asaram. Bu an yaşadıqlarımdan ayrılmaq istəmirəm. Bu mükəmməllik məni hipnoz edir. Həyata olan baxışım dəyişdi. Gördüyün hər şeyə, hər kəsə aşiq olursan. indi özümü daha aydınlanmış, 10 yaş daha böyümüş və həyatı daha dərindən dərk etmiş hiss edirəm. Bu elə bir hissdir ki, sanki qarşında Allahı görürsən və bu möhtəşəmlikdən ağzın-dilin quruyur."
Rənglərin milyon çaları. Sənin üçün rəqs edən və yenidən qurulan fraktal dünya. Bütün hisslərin bir yerə cəmlənərək, partlayıb ətrafa səpələnməsi. Hər bir hissini ayrı-ayrılıqda işıq şüaları kimi ətrafa səpələnmiş halda və bütün hisslərini eyni anda yaşamaq imkanı. Ətraf aləmin 5D dərki. Heç vaxt fikir vermədiyin ən xırda detalda belə möhtəşəmlik. Mükəmməllik hissi. Məsumluq. Bağlılıq. Təbiət və insan arasında vəhdət. Harmoniya. Tamamlanma. ilahi eşq!
Və bütün bunları edən beyindir. Ətraf aləmdən qəbul etdiyin eyni informasiyanı hər zaman gördüyünüz kimi dərk etdirən də, fərqli neyronal əlaqələr quraraq tamamilə başqa ölçülərdən dərk etdirən də.

https://www.youtube.com/watch?v=-fFbeSykaJk