1. tarix boyunca mövcud olmuş, əsası etibariylə insanların harada və hansı şəkildə yerləşəcəyinə, yaşadıqları yerlərdəki resursları necə istifadə edəcəyinə qərar verən sahədir. hazırlanan planlar şəhərin fiziki inkişafına paralel olaraq iqtisadiyatına, turizminə, ekologiyasına və s. fokuslanan fərqli planlara ayrılır. təbii ki bunların öz arasındakı zəncirvari əlaqəni nəzərə alınaraq.
təəssüf ki azərbaycanda sadəcə "filankəsin evi plana düşüb" deyəndə anılan və xalq arasında haqqında başqa heçbir məlumat olmayan bu sahə dünyada kifayət qədər yayğındır.
şəhərlər üçün hazırlanan planlar çox ölkədə qanun səviyyəsində olur və plana zidd olan (məs. zonalaşdırma planında park olaraq göstərilən yerə bina tikilməsi) heç bir layihəyə icazə verilmir. bu səbəblə şəhər planlama xüsusilə azərbaycan kimi inkişafda olan və infrastrukturu hələ oturuşmamış ölkələr üçün xüsusi önəm daşıyır.