1. son günlərin sosial media trendi. güney azərbaycandan başlayıb bu tayda da sürətlə yayılan rəqs, bir növ flash mob. məsələnin siyasi tərəfi də var. irandakı şəriət rejiminə qarşı milli simvola çevrilmişdir. millətçiliyə qarşı olsam da, əzilən xalqların hər cür üsyan səsi gözəl səslənir!
zəruri qeyd: bəşər tarixinin inqilab xronikasına bələd olmayanlar bu aksiyanı qavramaqda çətinlik çəkə bilərlər.
zəruri olmayan qeyd: klaviatura qəhrəmanlarından fərqli olaraq, o boyda repressiya, təzyiq, sıxışdırma müqabilində o aksiyanı həyata keçirmək fövqəladə cəsarət tələb edir.
qeyd: rəqslə inqilab olmur deyənlər sarkisyan rejiminin süqutunu (hansı ki, bir neçə ay öncə baş verdi) unublar deyəsən. hələ rəqsi qoyaq bir kənara, bir balaca tarix bilgisi olanlar qandinin səssiz inqilabını da yada salmalıdırlar. belə də ki, heç üsyan da deyil insanlar əylənirlər və bu onlara yaraşır.