3. mövzunu daha da genişləndirərək (baxma: petshopdan heyvan almaq)
insan saxtakarlığınım, iyrəncliyinin, axmaqlığının ən yaxşı nümunələrindən biri. işin əvvəli xarabdır onsuz ordan başlayaq. insanın sırf göz zövqünü oxşasın deyə, süni seçmə ilə müəyyən eyni növə aid heyvanlar cütləşdirilir və müxtəlif cins heyvanlar alınır. çox axmaq bir şey deyilmi? təbiətdə hansı canlı sırf xarici görünüşünə görə özündən zəif canlıları məcburi cütləşdirib onlardan yeni nəsil alır? və onsuz bu alınan canlılar insan əsarəti altında yaşamağa məhkum olurlar. onların fiziki xüsusiyyətləri, zəiflikləri deyil təbiətdə, adi küçədə belə yaşamağa imkan vermir. və ən pisi də xüsusilə pişiklərdə görünən bəzi cinslərin ürək qüsurları, korluq, qaraciyər problemləri kimi çox ağır anomaliyalarla doğulmasıdır. çox zəif olurlar, yaşamaq onlar üçün çox əziyyət olur. və sırf insan adlı axmaq canlı tərəfindən geyidilib, bəzədiliib orda-burda gəzdirmək, instagramda şəkilləri paylaşılmaq üçün o qüsurlarla az bir müddət yaşayırlar. adları da olur heyvansevər. bu nə cür sevgidir? küçədən alınmış bir it və ya pişik də qulluq edilsə ən az onlar qədər şirin və ağıllıdırlar. sadəcə veterinara aparılıb müayinə etmək, vaxtı-vaxtında iynələrini vurdurmaq və yaxşı qulluq etmək lazımdır. işin digər tərəfi daha çox emosional bağlardır. çox insan özünə bir övlad kimi düşünərək heyvan sahiblənir, bu məntiqlə petshopdan heyvan almaq uşaq vaxtı bizə anladılan "səni bazardan almışıq ehehehe" (o vaxtı da bu cavaba nifrət edirdim) zarafatına bənzəyir. necə ki uşaq sahibi olmaq təbiət tərəfindən bizə verilən təbii aktdır, heyvan sahibi olmaq da hansısa məbləğ qarşılığında əldə edilməməlidir.

mən təbii ki genetik araşdırmaların inkişafına qarşı və ya konservativ tutumlu deyiləm. hətta maraq dairəmlə çox sıx bağlı olan sahələrdir bunlar. sadəcə insan həmişə "düşünən heyvan" olduğunu unutmamalı, və fəaliyyətlərinin hər iki tərəfə uyğun olaraq müəyyən əxlaq çərçivəsində olmalı olduğuna inanıram.