9. başlıq açılıb amma çox az məlumat olmasına görə bir neçə cümlə də yazmağı özümə borc bildim. tam adı Rixard Vilhelm Vaqner olan alman bəstəkarı, dirijoru, teatr xadimi və publisisti.1813-cü ilin 22 mayında leypsiq şəhərində doğulub. 18 yaşında olarkən leypsiq universitetinə daxil olmuş eyni zamanda kompozisiya dərsləri də almışdır. 1833-cü ildə Vürsburqda xormeyster, sonralar Maqdeburq (1834-36), Köniqsberq (1837) və Riqanın (1837-39) musiqi teatrlarında dirijor işləmişdir. 30-cu illərdə pərilər (1833-34,tamaşası 1888) ,sevgi qadağandır (almanca adı Das Liebesverbot) (1836),riyensi (rienzi) (1833-40, tamaşası 1842) operalarını yazmışdır. faust üverturası (1840) və uçan hollandiyalı (Der fliegende Hollander) (1841 ,tamaşası 1843) operası vaqnerin ilk yetkin əsərləridir. 1843-49cu illərdə drezdendəki saray teatrında dirijor işləmiş ,orta əsr əfsanələri əsasında tangeyzer (1843-1845 ,tamaşası 1845) və loenqrin (1845-1848 ,tamaşası 1850) operalarını yazmışdır. vaqner 1849-cu ildə drezden üsyanında iştirak etdiyinə görə təqibə məruz qalmış ,ömrünün 13 ilini mühacirətdə (sürix,paris,vyana) keçirmişdir. 1848-ci ildən reyn qızılı (1854) ,valkiriya (1856) ,ziqfrid (1871) , allahların məhvi (1874) operalarından ibarət nibelunq üzüyü tetralogiyası üzərində işləmişdir. şopenhauer və nitşenin fəlsəfəsi bəstəkara böyük təsir göstərmişdir.1857-1859 cu illərdə tristan və izolda(13cü əsrə aid ingilis sevgi dastanı) operasını yazmışdır. tarixi-məişət süjetli 1867ci ilə aid nürnberq meysterzingerləri operasında xalq tiplərini təsvir etmişdir. 1882-ci ildə vaqnerin son işi olan nitşenin sonradan tənqid etdiyi parsifal operasını bəstələyir. üstündən bir il keçəndən sonra istirahət üçün getdiyi venesiyada 69 yaşında ürək tutması nəticəsində həyatla vidalaşır.vaqnerin həyat yoldaşı cosima wagner macar bəstəkar franz lisztın qızı olmuşdur.