15. Qız olmağınız nə güclü, nə də zəif olduğunuz anlamına gəlmir,idealınızdakı ən yaxşı versiyanız olmağa çalışın.Bizim ölkəmiz kimi cinsi ayrıseçkiliyin ana vətənlərindən biri olan yerdə ayrı bir çətinlikdə olduğunuzu unutmayın,"susum,yola verim,güzəştə gedim" deyə düşünməyin,nə susanda,nə yola verəndə,nə də güzəştə gedəndə düzəlmir,sizin cinsinizə nifrət eləyən insan daha da qaza gələcək,artıracaq təhqirlərini,hərəkətləri,sizə qoyduğu məhdudiyyətləri.insan ömrü hər şeyin "düzəlməsini" gözləyəcək qədər uzun deyil,vaxtın keçdiyini unutmayın.Baxımlı olmaq,dəblə geyinmək,professional makiyaj etmək kimi bir borcunuz yoxdur kiməsə qarşı. Özünüzü nə cür rahat hiss edirsinizsə elə də görsənin,başqalarına zərrə dəxli olmayan vərdiş və ya hərəkətləri heç kim sizdən tələb edə bilməz,hansı kitabı oxuyub,hansı kinoya baxmaq qərarını sizin əvəzinizə verə bilməyəcəkləri kimi.Sizin kimi kişilərin də boynuna yetəri qədər cinsiyyət rolları qoyulub,bunu yaddan çıxarmaq olmaz,bu rolu qoyanlardan biri olmayın,heç kimin sizi qorumaq,sizin yediyinizin,içdiyinizin ,geyindiyinizin,pulunu ödəmək, kimi bir vəzifəsi ,əksərən də maddi imkanı yoxdur.Bir gün bütöv həyatınızı birgə keçirmək istəyəcəyiniz insan qarşınıza çıxsa,bütün cinsiyyət "öhdəlik"lərindən qurtularaq,dürüstcə münasibətə başlayın,sizə çətinlik yaradan,fikirləriniz uyuşmayan,ən əsası sizinlə insani rəftar etməyən adamlarla vaxtınızı itirməkdən başqa bir şey etmirsiniz,"evlənəndə" düzəlmir,"uşaq doğulanda" düzəlmir,"yaşlananda" heç düzəlmir. Boşuna soyumayın bir-birinizdən,yad insan olaraq daha xoşbəxt olarsınız bəlkə də. Uşaq demişkən,nəsil artırmaq kimi bir borcunuz yoxdur,şüursuz heyvan deyilsiniz,kimsə buna sizi zorlasın,əgər,öz problemləriniz başınızdan aşırsa,dünyanı uşağınıza mükəmməlləşdirə biləcəyiniz bir yer olaraq görmürsünüzsə və ya ümumiyyətlə övlad sahibi olmaq içinizdən gəlmirsə,yalnız ya da bir həyat yoldaşıyla yaşlanacağınızı unutmadan bu fikrinizlə davam edin,sizin seçiminizdir.Qadını seksual obyekt,böyüməmiş uşaq,zəif,cılız ikinci dərəcəli insan olaraq görən və göstərən heç kəs və heç nə ilə razılaşmayın,barışmayın,bu sizi də başqalarının gözündə dəyərsizləşdirmə prosesidir. Həyatda bəlkə də saysız insan çıxacaq qarşınıza cinsiyyətçi düşüncəyə sahib olan,qadını da kişisi də. Hücum etməyin,istəyiniz fikirlərini dəyişmək,düşüncənizdəki doğruları onlara çatdırmaq olsun,əgər irəliləyiş yoxdursa,öz yolunuza davam edin,boşuna səbrinizi,zamanınızı tükətməyin.əgər varsa,unutmayın,Ailəniz mükəmməl deyildi,heç kimin ailəsinin mükəmməl olmadığı kimi,bunu bilib övlad yetişdirin,gələcək yaşamınızı boş ənənələrə görə deyil,məntiq və sevgi üzərində qurun.