8. bugün sosial şəbəkələri bürüyən xəbər: əli insanov haqq və ədalət partiyası yaradıb, yəni həp. tərəfdarları da bundan sonra həpçi deyərlər yəqin. xub. məsələ işin zarafat tərəfində deyil. onu yetərli qədər adam edir onsuz da ( zatən yaz azərbaycan türkcəsi :d). Bu insan zamanında korrupsiya üstündə 14 il həbs yatıb çıxan biri idi. hələ o vaxtdı qılıncının dalı-qabağı kəsən vaxtlarında millətə qan uddururdu, səhiyyəmizi elə günə qoyub ki, bundan sonra çətin özünə gələr. içəridən çıxan kimi elə həbsxananın qabağında verilən müsahibəsində ona sual verdilər ki, bəs müxalifətə qoşulacaqsız, o da belə söz işlətdi: " hələ bilmək olmaz, kim kimə qoşulacaq!". dediyini də etdi. müxalifət dəyirmi masa keçirtdi və əli həsənovu bir növ ağsaqqalı kimi təqdim elədi. sonra noldu? öz partiyasıni yaratdı. Yəni adam konkret deyirki, kim mənimlədi. Bildik, topun var , meydan da sənindi, amma oyunçular sənin ardınca gəlməlidi deyə bir şey yoxdu. Əli həsənovun arxalandığı iki əsas şey var: bir az da olsa böyük ehtimal nazir olduğu vaxtdan gizlətdiyi nəsə qalıb, ikincisi "yeraz" dəstəyi, hansılar ki, indiki hakimiyyətdən küsüblər və hələ də az-çox nüfuz dairələri formalaşdıra bilirlər. Əli həsənov YouTube-da verdiyi müsahibəsində yerlibaz və heydərçi olduğunu vurğulayıb. sözsüz ki, indiki hakimiyyətdən incikli qalan, " babanın vaxtında hər şey başqa cürə idi" təfəkkürü ilə yaşayan qərbi azərbaycanlılar var və əli həsənovu da ağsaqqalları kimi görürlər. Gələk partiyaya. ilk növbədə ad. hadd və ədalət partiyası. wtf?! o biri partiyalar məgər cəmiyyətdə haqq və ədalətin bərqəqar olması üçün mübarizə aparmırlar? ya onların bu məhfumlardan xəbəri yoxdu?. Bu qədər qısa zamanda partiya necə yarandı, qeydiyyatdan keçdi? Real bir ildən çoxdu özünü dağıdırdı qeydiyyatdan keçməyə. Bunu da keçdik, partiyanın proqramı nədir? hansı məqsədləri qarşısına qoyub? hansı təbəqəyə müraciət edir? yaxın orta və uzaq zaman kəsiyində nələri əldə etməyi hədəf kimi seçib? Bu suallara cavab əlbəttə ki, olmayacaq. Səbəb isə sadədir: şəxsiyyət ətrafında formalaşan partiyalarda heç kimə partiyanın məqsədi, hədəfləri önəmli deyil, sadəcə lider nə dedi, odur, vəsəllam..bir növ fan klub. indiki üzdə görünən nə iqtidar, nə də müxalifət liderlərindən bir şey düzələn deyil. Şəxsi fikrimdi, bu ölkədə nə etsə 90-cı illər edəcək. sovetə bağlı olan hər kəs, ideya, düşüncə tərzi bizim ölkənin müstəqilliyi və inkişafı üçün təhdiddən başqa bir şey kəsb eləmir. yazıq 90-cı illəri də ölkə içində bədbin hala salıblar, gündəlik qayğılarla, yaşam mübarizəsi içində çabalayırlar, ölkə xaricindəkilərinin də bir dərdi var: necə edim daimi oturum alım, gəmi batsa da olar, əsas mən özümü xilas elədim. Fərdi maraqlar, milli maraqları hələ ki üstələyir.