4. La resistance adını daşıyan update gələndən bəri oyuna kəşfiyyat və casusluq sistemə əlavə edilib. Artıq əvvəlki kimi (ittifaqda və ya kukla vəziyyətində olmayan) xarici ölkələr haqda kəşfiyyata sahib olmaq üçün casus yetişdirib decryption araşdırmaq lazımdır. Bundan sonra seçili ölkədə verilmiş müddət ərzində şifrələməni qırmaq lazımdır. Verilən müddəti decryption araşdıraraq azaltmaq olur. Qeyd edim ki, bu müddət ərzində casuslar qeyri-işlək olmur, çünki şifrə qırmağı - əgər yanılmıramsa, çünki hələ çox məlumatım yoxdur - casuslar yox, kəşfiyyat idarəsi edir. Casuslardan isə seçili ölkədə network (şəbəkə) qurmaq, diplomatik manevrlərə məcbur etmək, müqavimət hərəkatı ilə əlaqə yaratmaq, rejimə qarşı propaqanda aparmaq, bu yolla öz ölkənin rəsmi ideologiyasını yaymaq və seçili ölkənin stabillik və müharibə dəstəyini azaltmaq mümkündür. Bundan başqa, casuslar əgər öz vətənlərinə təyin olunarsa əks-kəşfiyyatla məşğul olub ölkəni düşmən casuslarının fəaliyyətinə qarşı qoruya bilər. Casusların sayını artırmaq mümkündür, əlavə olaraq xarici ölkələrdən əməkdaşlığa razı olacaq casuslar da tapıla bilir.

Update'in adından məlum olduğu kimi müqavimət hərəkatına yeni xüsusiyyətlər gətirilib. Əvvəllər bir ölkəni işğal edəndə müharibə bitənə qədər partizanlar aktiv olurdu. indi isə müharibə bitdikdən sonra da aktiv qalırlar, hətta daha da böyüyüb ölkə boyu işğalçıya qarşı üsyan qaldıra bilirlər. Partizanların qarşısını alan (tamamilə yeni deyilə bilməz, sadəcə mexanikası dəyişib) yeni xüsusiyyət qarnizonlardır. Hər əyalətin qarnizonu olur və supression qabiliyyətindən asılı olaraq partizan hərəkatını zəiflədir və məhv edir. La resistance'dan əvvəl diviziyalar qarnizon təyinatı ilə seçili ərazilərdə müqaviməti yatırdırdı, amma artıq diviziyaların belə bir xüsusiyyəti yoxdur, gərək ordunu silahlandırdığın kimi əyalət qarnizonlarını da silah-sursatla təmin edəsən.

Bunlardan başqa iki ölkəyə focus ağacı və bir ölkəyə də focus ağacında dəyişikliklər gətirilib. Focus ağacı qazanan iki ölkə ispaniya və portuqaliyadır, dəyişiklik qazanan isə fransa; artıq istəsə burbonları və ya bonapartları restavrasiya edə bilər. ispaniyanın vətəndaş müharibəsindən ötürü olduqca geniş, alternativ tarix seçimi verən focus ağacı var. Oyunçu istəsə anarxistlər olaraq vətəndaş müharibəsinə üçüncü bir tərəf olaraq (üçtərəfli vətəndaş müharibəsi) qoşula və əvvəlcə portuqaliyayla birləşərək iberiyada, daha sonra isə bütün dünyanı işğal edərək qlobal anarxist kommunası yarada bilər. Portuqaliya isə (seçənəklərdən ancaq biri kimi) monarxiyanı bərpa edib braziliyayla birləşmiş krallıq kimi ortaq imperiya yarada bilər.