1. birincisi, mənəvi duyğuların daha ön plana çıxacağını düşünürəm. bu, əsasən, ailə anlayışının getdikcə zəiflədiyi qərb dünyasında baş verə bilər. daha sonra, günümüzdə mövcud olan müxtəlif sahələr tədricən öz hökmünü itirəcək. bunların başında turizmin və restoranların olacağı fikrindəyəm. onlayn dünya insan həyatına daha çox daxil olacaq. ən azından bunu televiziyaya nəzərən demək olar. müxtəlif serial, proqram, veriliş dayandırıldığından hər kəs virtual dünyaya daha çox bağlanır. və ən əsası isə, insanların artıq təbiətə daha az zərər yetirəcəyini düşünürəm. ozon qatının bərpa olunmağa başlaması, venesiya kanallarında balina, köpəkbalığı və s. kimi uzun illərdir görünməyən hadisələrin baş verməsi onları bu işə vadar edəcək.