9. Gəlin, bu məsələni dəqiq bilək, xahiş edirəm sonadək oxuyun,sizin və yaxınlarınızın sağlamlığı üçün bu maariflənmə vacibdir.

Çöpçü deyilən şəxslərin etdiyi iş burun, udlaq, boğaz ətraflarında yığılıb qalmış yad cisimləri çıxartmaqdır. Bunu edərkən yüksək təzyiqlə burnun bir dəliyindən üfürərkən digər dəliyini qapadırlar və cisim ağızdan çıxa bilir. Əgər bu cisim o dar yollardan keçəcək qədər balaca və hava təzyiqi ilə çıxacaq qədər yüngüldürsə, nəzəri və pratik olaraq bunu etmək mümkündür.

Amma...
1.Bunu edərkən çöpçünün infeksiyası ilə birbaşa təmasda olunur və buna görə də heç bir sanitariyadan söhbət gedə bilməz.
2. O çıxarılacaq cismin forması kəskin kənarlı vəya ölçüsü böyükdürsə, burundan və ya ağızdan keçərkən bu hissələri zədələyə bilər.

3. O çıxarılacaq cisim hava təzyiqi ilə ağızdan çıxmaq yerinə nəfəs borusuna atıla bilər və həyati təhlükə törədər.

4. Bəzi çöpçülər yad cisim çıxarmadıqları halda çıxarmış kimi göstərərək tamamilə sizi aldada bilər.

Bəs nə edək? Çöpçüyə getmək yerinə qulaq-burun-boğaz həkiminə gedək. istifadə edilən endoskop ( kameralı cihaz) kimi alətlər birbaşa hansı nahiyədə nə cisim olduğunu dəqiq göstərir. Hər dar sahəyə uyğun fərqli formalı alətlər o cismi çıxarmasına kömək edir. Həm steril şəkildə, həm də təhlükəsiz şəkildə.

insanlar niyə çöpçüyə gedir? Uşağın temperaturu var idi, iştahı yox idi, ağız qoxusu var idi vs deyərək ya birbaşa çarəno çöpçüdə axtarır yada yaxşı halda həkimə gedir ( qulaq burun boğaz yox, can həkimi vəya uşaq həkiminə ) və çoxlu qan analizləri və müayinədən keçir, səbəb tapılmır, ona görə çöpçüyə gedir. Çöpçü də üfürməklə cismi çıxarmağa müvəffəq olursa, şöhrəti yayılır.

Burda səhv həm maariflənməmiş xalqda, həm də yad cisimdən şübhələnərək qulaq burun boğaz həkiminə yönləndirməyən digər həkimlərdədir.

Nadir də olsa qulaq burun boğaz həkimi də baxaraq yad cismi görməyibsə və çöpçü çıxarıbsa, inandırmaq daha da mümkünsüz olur.
Amma ikinci qulaq burun boğaz həkiminə gedin, o da görmədisə, səbəb yad cisim deyildir. Onda analiz vs ilə səbəb aydınlaşdırıla bilər. Yetər ki , çöpçüyə getməyin.

Dünyanın fərqli 3 ölkəsində yaşamışam amma hələ ki bizdən başqa bu peşənin hardasa olduğunu görməmişəm.