59. Prezident olduğum ilk gün prezident postunu ləğv edər, yarı-avtoritar rejim tətbiq etməyə başlayardım və bundan sonra "führer" adlandırılardım. Yarı deməyimin səbəbi isə mənim avtoritar rejimimin sadəcə siyasi partiyaların və medianın gücünü əlindən almağa yönəlməsidir. Həmçinin ölkədə kapitalist rejimin tətbiqi səviyyəsini azaldardım. Digər totalitar liderlər kimi faşizm, nasizm və ya kommunizm kimi bir ideologiyaya ehtiyac duymadan dövləti idarə edərdim. Dini dövlətdən əsas da siyasətdən tamamilə ayırardım. Amma ləğv etməzdim, insanların kontroldan çıxmaması üçün dini görüşlərə ehtiyacı var. Hər cür dini düşüncənin hətta satanizmin belə, açıq ibadəti üçün şərait yaradardım. Podvalda zadda düşüb pişik kəsməsinlər, nə edirlərsə gözümün qabağında etsinlər.
Konstitusiyanı da saxlayardım, bir şərtlə ki, başdan yenilənsin.
Avtoritar rejim olduğuna görə onsuz səsvermə də olmayacaq, amma zənnimcə heç kim buna etiraz etməzdi.
indi Ölkədə Onsuz da səsvermənin nəticələri başdan bəllidi. Demokratik səsvermə onsuz da axmaq bir sistemin parçası olduğunu dəfələrlə sübut edib.
Müxalif partiyaları, sağçılıq, solçuluq kimi ideologiyaları ləğv edərdim. Bunlar xalqı bölməkdən və sonsuz qüdrətimi baltalamaqdan başqa bir işə yaramır.
Xarici inhisarçıları ölkədən dəf edərdim, neft, yeraltı, yerüstü sərvətlər xalqın malıdı. Pulunu da xalq yeməlidi. Yəni məndən sonra.
Digər totalitar rejimlərdən fərqli olaraq, büdcədən orduya və dövlət işlərinə xərclənən pulu tənzimləyərdim, minimuma endirərdim. Dini qurumlara isə ümumiyyətlə pul ayırmazdım, belə dindarsınızsa öz məscidinizi, kilsənizi özünüz dolandırın.
Vergi dövlət büdcəsinin əsas təminatıdı. Əsas da yüksək zümrəyə xas olan nümayəndələrin və vəzifə sahiblərinin vergidən yayınması vətənə xəyanət sayılacaq. Xalqa xidmət etməyən məmurun özünə və dövlətə də bir xeyri yoxdu. Hamısına Edam. Ən yaxşı halda sürgün olunacaqlar.
Ölüm cəzasını bərpa edəcəyəm. Məqsəd cinayətkara əməlinə görə cəza vermək olmayacaq, məqsəd maksimum şəkildə dövləti bu cür parazit insanlardan təmizləmək olacaq. Həbsxanada qalan dustaqlar isə öz gündəlik yeməyini özü qazanacaq, fərd vergi verib öz qatilini bəsləməyəcək. Mədənlərdə filan işləyib öz pullarını qazanacaqlar.
Hər bir ailəyə Məcburi sosial siğorta ödənişi tətbiq edəcəyəm, beləliklə təhsil və səhiyyə pulsuz olacaq. Vətəndaşlıq borcunu layiqincə yerinə yetirən insanlar kimliyindən asılı olmayaraq "örnək vətəndaş" adını alacaq və hər bir sahədə güzəştlər və yardımlar tətbiq olunacaq. Azərbaycanın adını xarici ölkələrdə tanıdan, elm, incəsənət, idman və s. Sahələrdə üstün bacarıq göstərən vətəndaşlar isə "xalq qəhrəmanı" elan olunacaq.
Hər cür bölücü fəaliyyətin qarşısı alınacaq, terror və casusluq ən böyük cinayətlər hesab olunacaq və bunları törədənlərə dəhşətli cəzalar veriləcək.
Ps : rejimimi elan edəndən sonra ölkədə qalmaq istəməyən olsa avropaya özüm yola salacağam.
Mövzudan kənar qeyd : entryini bir əlim havada yazmışam asjjdx.