59. Dəbdəbəli məkan,bəzənmiş düzənmiş vəziyyətdə və bütün qayğılarını 6 saatlığına beynindən silmiş halda gəlib ruh sağlığını bozacaq ritmdə və küylü musiqi sədaları altında oynayan iştirakçılar.Bəli,qonaqlar yox iştirakçılar.Azərbaycanda toylar və evlilik iki insanın həyat qurmasını,rəsmi olaraq bir-birinə bağlılığını qeyd edən unudulmaz müqəddəs bir gün deyil,evlənən 2 gəncin ailəsinin cəmiyyətlə olan yarışıdır.Başlıq evlilikdir toy deyil fərqindəyəm amma toy və evlilik bir birindən ayrılmaz məfhumlardır,yoxsa el-aləm nə deyər.Bəs bu yarışda qazanan kim olur,heç kim.Bu gün,sabah ola bilər ki,bu ər və arvad çox yaxşı dolansınlar,münasibətləri əla olsun amma gələcəkdə(yaxın və ya uzaq)əvvəl axır bu müəssisə təməlindən sarsılacaq.Niyə?-Çünki təməli içində TOY,cehiz,ev,yengə,nişan hətta hələ doğulmamış uşağın doğulmasının öncədən planı kimi bu dəbdəbəli yarışın elementləri ilə qurulan bir evlilik hər an sarsılmağa məhkumdur.Elə gəlməsin ki,evliliyi acımasızca qınayıram və heç vaxt evlənməyəcəm!Yox,bəlkə də evlənərəm,amma plansız,yaş məhdudiyyətsiz, təməli qarşılıqlı hörmət,sevgi ilə atılan və iştirakçıları yox,yalnız iki nəfərin yaradıcısı olduğu birgə həyatda varam.