206. Prezident, Ali Baş Komandan çıxış etdi. Ölkənin general-mayoru şəhid edilib, öz torpağında, 2 günlük döyüşdə, müdafiə mövqeyində ola-ola general-mayor və artilleriya rəisi şəhid olub, ancaq sanki, heç nə baş verməmiş kimi indi də su və kənd təsərrüfatından danışır. Prezidentin çıxışından bəzi məqamları qeyd etmək istəyirəm.

Prezident deyir ki, mən tapşırmışdım Ermənistana layiqli cavab verilsin, Ermənistan ordusu layiqli cavabını aldı, əsgər və zabitlərimizin qanı yerdə qalmadı. Sirr deyilsə, o layiqli cavab nədən ibarətdir, bilmək olar?

Prezident deyir ki, generalımız Polad Həşimovun anasına telefonla başsağlığı verdim, ona dedim ki, oğlunun qanı yerdə qalmayıb, qisası alındı. Sirr deyilsə, bilmək olarmı, nə vaxt, harada, necə?

Prezident deyir ki, Ermənistan bu təxribatı ona görə edib ki, Azərbaycanın təşəbbüsü ilə BMT Baş Assambleyasının xüsusi sessiyası keçirilib. Prezidentin bu mövzuda çıxışında dəfələrlə kəsilmə və montaj hiss olunur. Görünür, yenə "baş tutmuş" və s. ifadələrdən istifadə edib, kəsiblər ki, hələ belə bir sessiyanın keçirilmədiyindən xəbər tutmasın.

Prezident çıxışında nədənsə 92-93-cü illərdən danışdı, torpaqların itirilməsini Azərbaycan Xalq Cəbhəsinin xəyanəti adlandırdı. Həmin illərdə Prezident Administrasiyasında kolbasa-araqla binanın mundarlanmasından danışdı. Cənab prezident, 27 ildir hakimiyyətdə olan sizsiniz, ordu sizin nəzarətiniz altında, büdcə sizdə, hüquq-mühafizə orqanları sizdə, Konstitusiya Məhkəməsindən üzüaşağı bütün məhkəmələr, Parlament, icra hakimiyyətləri, bələdiyyələr tam olaraq sizdə, TV-lər sizdə, media sizdə, milyardarlarla pul sizdə, səlahiyyət sizdə. Xalqa 92-93 yox, 1993-2020 arasında görülmüş işlər maraqlıdır.

Prezident Xarici işlər Nazirliyinin, xüsusi ilə də nazir Elmar Məmmədyarovun fəaliyyətini ciddi tənqid elədi. Cənab prezident, Məmmədyarovun fəaliyyətinin qənaətbəxş olmamasını 16 il sonra anladınız? 16 il əvvəl kim təyin etmişdi, kim 16 ildir Azərbaycan dilində normal danışa bilməyən birini vəzifədə saxlayan, Ə.Kərimli, yoxsa, i.Qəmbər? Hansı keyfiyyətlərinə görə əksər nazirlər sizin prezidentliyiniz dövründə dəfələrlə dəyişsələr də, o öz yerində qaldı və hələ də qalır?

Prezident deyir ki, əldə etdiyimiz hərbi qələbə xalqı coşdurmuşdu, vətənpərvər insanlar Azərbaycan Ordusuna və Ali Baş Komandan kimi mənə öz dəstəyini ifadə etmək üçün Şəhidlər xiyabanına üz tutmuşdular. Cənab prezident, hansı qələbə? insanların yüzlərlə dəfə "N.Sadiqov istefa verməlidir" tələblərini heç çatdıran olmadı sizə?

Prezident dünən baş verən təxribatı da Azərbaycan Xalq Cəbhəsinin üzərinə atdı. Halbuki, AXCP sədri dünən bəyanat yayaraq, tam olaraq Ali Baş Komandanın qisas əməliyyatı edəcəyi təqdirdə onu dəstəkləyəcəyini bildirmişdi.

Prezident sonda bunu deyib: "Azərbaycan xalqı dəfələrlə vətənpərvərlik göstəribdir. Bu, bizim növbəti şanlı qələbəmizdir. Bu mövzunu yekunlaşdırmaq üçün bir daha demək istəyirəm ki, biz bilirik nə etmək lazımdır, nə vaxt etmək lazımdır və necə etmək lazımdır. Bu günə qədər bizim bütün addımlarımız uğurlu olub - istər döyüş meydanında, istər siyasi müstəvidə, istər daxili vəziyyətlə bağlı, iqtisadi və digər sahələrdə".

Bu hissəni isə şərh etmirəm. Özünüz düşünün, doğrudanmı prezidentə xalq tərəfindən həm 2016 aprel döyüşləri, həm 2020-də verilən ictimai dəstəyə qarşılıq, mütənasib addım atdı? Doğrudanmı iqtisadi və digər sahələrdə bütün addımlar uğurlu olub? Elmar Məmmədyarovun evdən işləməsindən başqa problem olmayıb?

Nəhayət, sanki heç nə baş verməmiş kimi çıxışlar su və kənd təsərrüfatı sahəsindəki problemlərin müzakirəsi ilə davam etdi. Çıxışda 40-50 arası mənfi mənada Ermənistanın adı çəkildi, 11 dəfə Xalq Cəbhəsiinn, müsbət mənada 11 dəfə Türkiyənin, neytral mənada KTMT-nin (nədənsə, rusca ODKB deyirdi), amma bir dəfə Ermənistanın işğalının arxasında duran Rusiyanın adı çəkilmədi.

Prezidentin çıxışında yeganə tam razılaşdığım məqam isə Ermənistanın Azərbaycan torpaqlarını işğal etməsi və işğal etdikləri torpaqları geri alınması deməsi oldu


istinad:Bəxtiyar Hacıyev