ikinci qarabağ müharibəsi


    22. Mən bu filmə daha əvvəl baxmışam. Mənimlə birlikdə başqaları da baxıb amma film o qədər mükəmməldir ki, məndən başqa hər kəsdə ilk izlənmə hissi yaradır. Yaddaşımı sıfırlayıb yenidən baxmaq istəyəcəyim seriallar deyə bir söz var, o məsələ. insanların yaddaşı sıfırlanmır, amma hələ də filmdən həzz ala bilirlər. 4 il əvvəlki film yayımlananda ölkənin dörd bir tərəfindən kortəbii və spontan etiraz aksiyaları yüksəlirdi, film izlənildikdən sonra hamısı unuduldu, indiki film yayımlananda hələ tofiq yaqublunun haqsız yerə həbs edilməsindən bir ay keçməmişdi, amma hər kəs rahatlıqla unuda bildi. Bir anda ölkənin bütün prinsipsizləri, əqidəsizləri, özlərinə hörmət etməyən piarçıları hələ tam tamam olmamış bir ay əvvələ qədər silsilə şəkildə repressiyalar icra edən hökumətin ətrafına yığıldı, müxalifətin yeri deyil, indi iqtidar xalq, yaxud dövlət və xalq birliyi zamanıdır deyirlər. Hələ 3 gün əvvələ qədər rejimin korrupsionerliyindən, plütokratik təbiətindən, son dərəcə repressiv aparatından, biliyə yox yalana üstünlük verməsindən şikayətlənirdilər. Doğurdan o qədər əqidəsizsiniz ki, dünənə qədər bizi öldürən rejimi bağışlayırsınız? Hər 2-4 ildən bir təkrarlanan filmlər rejimi bağışlamanıza kifayət edir? Müharibəni dəstəkləməyinizə irad tutmuram, dəstəkləyə bilərsiniz, amma bunu bəhanə edib faşistsayağı hökuməti dəstəkləyəcəksinizsə sözün əsil mənasında əqidəsizsiniz. Hökuməti dəstəkləyirsinizsə bəsit şəkildə bütün cinayətlərini də bağışlamış olursunuz, yox əgər "indi hökumətin tərəfində duraq, tənqidə müharibədən sonra davam edərik" deyirsinizsə tutarsız və qeyri ardıcılsınız. Tarixdə nümunəvi hallar var, hindistanlılar iki müharibədə də britaniyanın tabeliyində vuruşdular, bu o deməkdir ki, hindistanlılar açıq-aşkar britaniyanın özündən daha azğın və soyğunçu olan ölkəyə qarşı vuruşmalarından ötrü britaniyanı bağışlamalı və etirazlarını sonraya saxlamalı idilər? Yox, doğru olan faktiki olaraq bütün bəşəriyyət üçün təhlükəli olan düşmənə qarşı vuruşarkən öz hərbi dəstəklərini siyasi dərəcəyə qaldırıb onları istismar edən rejimə verməmələridir. Trotski 1940-da ölməsinə baxmayaraq almaniyanın ssri-ə hücum çəkəcəyini bilirdi, buna görə də "ssri uğrunda, stalinə qarşı" şüarını irəli sürürdü. Bu o deməkdir ki, ssri-nin müharibəsi haqlı olacaq, bağlı olduğumuz ölkənin müdafiəsini dəstəkləyirik, amma bu dəstəyimizi cinayətkar bürokratiyaya uzatmırıq. Xülasə, rejimi dəstəkləmədən də müharibəni dəstəkləmək olar, əgər bunu bilmirsinizsə ya cahilsiniz, ya da rejimi dəstəkləmək sizə sərf edir, müxalifətçisinizsə deməli kripto yapçısınız, nə müxalifət nə rejimlə bir əlaqəniz yoxdursa və rejimi dəstəkləyirsinizsə əqidəsiz və prinsipsizsiniz.
    Yeri gəlmişkən demək lap yerinə düşər, bu dəqiqə demokratik seçkilər keçirmək üçün mükəmməl fürsətdir, ilham əliyev rahatlıqla minimum 60-70 faiz səs toplayar, səs verənlərdən biri də aslan ismayılov olar, iyuldan bəridir ki, cənab prezidentinin arxasında durmaqdan orqazm olur, dəstəyini seçkidə də bildirmiş olar.
    Son olaraq Azərbaycanda demokratiya praktiki olaraq mümkünsüzdür, çünki müharibə insanlar üçün daha cəlbedicidir nəinki ləyaqətli həyat, ona görə də əgər ölkəyə dair müsbət ümidləriniz varsa o ümidlərinizi kəsin, bir pox olmayacaq.


hamısını göstər

sən də yaz!