barbie kardashian


    1. irlandiyada bir hüquq sui-istifadəsi insidenti.

    Barbie Kardashian (əvvəlki adı: Gabriel Alejandro Gentile) doğum zamanı kişi cinsində qeydə alınan, böyüdükdə isə irlandiya hüquq sistemində yer alan kobudca "öz kimliyini təyin etmə" (right to self-identify) haqqından yararlanaraq cinsiyyətini leqal olaraq qadına dəyişdirmiş bir irland vətəndaşıdır. Maraqlı tərəfi budur ki, Barbie heç bir hormonal və ya əməliyyat əsaslı cinsiyyət dəyişdirmə proseduralarından keçməmişdir və hətta gender disforiyası yaşadığına dair tibbi cəhətdən sübut tapıılmamışdır. Bu da onun, həqiqətən, transgender olmadığı şübhələrinə gətirib çıxarmışdır. Deməyə kifayət qədər əsas vardır ki, Barbie-nin məqsədi həqiqətdə cinsiyyət dəyişdirmək yox, qadın kimi görünərək öz qurbanlarına - qadınlara taciz, istismar, şiddət və s. məqsədlərə görə əlçatımlılığı olmaqdır.

    Barbie Sentyabrın 24-də irlandiyanın Limerick şəhərində iki qadını (birisi anası olmaqla) öldürməklə təhdid etdiyi üçün həbsə atılmışdır. Barbie-nin keçmişdə də qadınlara qarşı taciz, istismar halları olduğu bilinir. işin qəribə tərəfi, Barbie qanuni qadın olduğu üçün qadınlara məxsus həbsxanaya göndərilmişdir. Sözün düzü, kişi həbsxanasına da göndərilə bilməzdi, çünki onda qanuni qadın olduğunu əsas gətirərək kişi həbsxanasında istismara uğrayacağından qorxduğunu deyərdi ki, bu irland hüquq sistemində keçərli bir səbəbdir.

    Barbie-nin keçmişi haqda isə ailəvi şiddət, istismar, diqqətsizlik və qayğısızlığa məruz qalındığı bilinir. Xüsusilə atasının anasını tez-tez emosional və fiziki olaraq istismar etdiyi, hətta bu istismarda Barbie-nin özündən də anasına qarşı istifadə etdiyi yazılır. Güman ki, Barbie-nin qadınlara qarşı olan təcavüz, istismar, öldürmə hissləri bu travmadan qaynaqlanır. Necə deyərlər, "həyatta qalmaq üçün bu istismarı etmək lazımdır" kimi bir assosiasiya onda bir instinkdə çevrilmiş ola bilər. Acı hekayədir, düzü.

    Buradakı digər problem isə, irland qanun sistemi altında, qanuni cinsiyyət dəyişdirmənin sadəcə bir-iki sənəd işinə çevrilməsidir. Gender disforiyası üçün testlər tətbiq olunmur, sadə bir proseduraya çevrilib və istəyən vətəndaş bundan yararlana bilər. Prosedura sadələşdirildikdə isə hüququn istismarı da sadələşir və bu cür təhlükəli insidentlərin baş verməsində rol oynayır. Öz gender kimliyini sərbəst müəyyən etmə hüququ irlandiya daxil olmaqla çox az dövlətin qəbul etdiyi bir hüquqdur. Digərlərində adətən leqal cinsiyyətin dəyişdirilməsi prosesi daha mürəkkəbdir.






hamısını göstər