10. Homoseksualları legitimləşdirib öz normlarına uyğunlaşdırmaq heç Nazilərə də yad deyildi, vallah. Onlar da GBTIQ ni yəni, "başdan çıxarılmış" kişiləri əhilləşdirib yaxşılaşdırmaq, öz normlarına layiqli bilmək üçün orduya yollayırdı.
Eynən indi homofobların artıq vəfat etmiş homoseksual əsgərin orientasiyasını öz cishetero dünyalarının normlarında legitimləşdirmə, o dünyaya layiqli bilmə səyləri kimi. Əlbəttə, bir homoseksualın sizin cisheteronormativ dünyanıza, dəyərlərinizə layiqli olması üçün bir səbəbi olmalıdır. iş belə gətirdi ki, lütf edib dəyərlərinizə layiqli hesab etmək üçün bir homoseksualın şəhid olduğu xəbərini almısız və budur, lütfünüzü sərgiləyirsiz. "Homoseksual olsa DA "bizdən" biridir". Artıq legitim olması üçün bir səbəb uydurmusunuz bu kimliklərə - şəhid olması!

Zorlamaya məruz qalan qadın xəbərini verəndə "Açıq-saçıq geyinməmişdi" kimi bir detalı vurğulayanlar guya bu qadının normlara uyğun olduğunu, yəni legitim olduğunu vurğulayır və bu əxlaqsızlıqdır. indi də bu homoseksual olduğu deyilən əsgərin kimliyini, varlığını şəhidliyi ilə legitimləşdirməyin əxlaqsızlıq olduğu kimi.

"Mənim niyyətim o deyil. Homofoblar həmişə deyir ki, homoseksuallar yeyib-içib gəzir, vətənin qeydinə qalmırlar. Ona görə vurğuladım ki, yəni, onlar da bizim(!) kimi vətənin qeydinə qalır" niyyətiniz də sizin homofobiyanızı yox etmir.

Ümumiyyətlə, həqiqətən də, heç olmasa bir dəfə, cəmi bircə dəfə özümüzə "Mən kiməm ki, kiməsə mərhəmət göstərim, kiminsə kimliyini/mövcudluğunu legitim görüb görməmək haqqını özümə verirəm?" sualını versək, hər şey bəlkə də, başqa cür olacaq. Bəlkə, uca yaradanın köməyi ilə həddimizi bilərik və başa düşərik ki, bizim yuxarıdan aşağı mərhəmətimiz, həddimiz, haqqımız heç kimə lazım deyil, öz içimizdəki iqtidar sevdalısından başqa. Bircə dəfə e, cəmi bircə dəfə öz imtiyazımızı sorğulasaq, bəlkə, həddimizi də bilərik.