məmməd araz
əjdahalar googllakeçən ayın ən bəyənilənləri - dünya sənin dünya mənim - yazarların paylaşmaq istədikləri şeirlər - ata - vətən mənə oğul desə nə dərdim - vətənpərvərlik - niyaməddin musayev - azərbaycan deyəndə ağla gələnlər - aqil abbas
Əridib silahları
Biz marten sobasında,
Körpü yarada billik
Yerlə Mars arasında, --
Müharibə olmasa!
Yer min illik barını
Bircə gündə yetirər,
Alim ayı, ulduzu
Dartıb yerə gətirər, --
Müharibə olmasa!
General gözündə də
Bu hissi duyur adam:
“Tullayıb çinlərimi
Bir kənddə sədr olaram, --
Müharibə olmasa!”
Bəşərin qapısından
Vaxtsız ölüm gen düşər,
insanın saçlarına
Yüz yaşında dən düşər, --
Müharibə olmasa!
Sevənlər aləmində
Nə qəm, nə həsrət olar,
Bəşərin gülləsi -- söz,
Sözü -- məhəbbət olar --
Müharibə olmasa!
1956
üzv ol