166. Siqnallarını il ərzində açıq aşkar verən, daha sonra prezident ilham əliyevə qarşı çevrilişin də baş tutması öngörülən yaydan sonra qaçınılmaz olmuş qarabağ müharibəsinin ikinci fazası.
ilki bitməmişdir atəşkəs ilə ara verildiyi üçün bu ikinci qarabağ müharibəsi yox, müharibənin ikinci mərhələsi sayılır.
Müharibə çox gözəl planlanıb belə ki, hələ keçən ilin noyabrından etibarən "qarabağ ermənistandır" kimi cümlələri beynəlxalq aləmdə dilə gətirən nikol paşinyan hakimiyyətə gəldikdən sonra ilham əliyevdən qarabağ məsələsinin həlli üçün 2 il vaxt istəmiş fəqət qərbdən aldığı dəstək və erməni lobbisinin verdiyi təzyiqlə bu məsələdən gen düşmüşdü.
bizim alicənab isə olacaqları artıq planlamışdı. müharibə olmasaydı indilərdə parlament seçkilərinə hazırlaşırdıq məsələn. Amma fevralda aradan çıxardılar.
Covid-19 pandemiyası isə lap göydən düşmə oldu. Təcili bütün bölgələrdə modul tipli xəstəxanalar qurulmağa başlandı və s.
Bütün dünyanın başı özünə qarışıb.
Amerikada yayda blm olayları sonrasında seçkilərə hazırlıq,fransada islam ekstremizminin yenidən vüsət alması,ölkədəki rus lojasının təsir gücünün azaldılması və s.

=Müharibənin qaçınılmaz olması.
Artıq çeyrək əsir igid ömrü sayılan bir dövr olmaqdan çıxmışdı. Atəşkəs dövründə yarım-yamalaq qalmış döyüşlər,kənd verib kənd almaq,post ələ kəçirmələrlə 7000ə yaxın insan həyatını itirmişdi. Amma qarabağ problemi həll olunmamış,siyasi müstəvidə də 1 sm irəliləmə olmamışdı.
Əksinə bu illərdə milyardlarla dollar beynəlxalq tədbirlərə,yarışlara xərclənmiş,ölkəyə gəlib gedən atət rəsmilərinin bakıya ayaqqabı dəyişməyə gəldiyi heç bir nəticəsinin olmadığı artıq balaca köşkdə semiçka satan 2 gözü görməyən əhməd dayıya da məlum olmuşdu.
Yanlış aparılan kadr siyasəti,çökmüş iqtisadiyyat,korrupsiya dənizində boğulub-batan azərbaycan xalqı illər boyu yatmış olduğu yuxusundan bir az da gec dursa ölkə durğunluqdan süquta doğru irəliləyəcəkdi. Artıq xalqa təkan lazımdı. Elə bir təkan ki,hamı sıx birləşsin,əl-ələ versin,şən-firavan görsənsin,motivasiya olsun,gələcəyə inamla baxsın bu yoxluğun böhranın içində.
Arada sizi bilmirəm mən cəmiyyət içində etinasız,laqeydsiz hansısa hadisəni görəndə öz-özümə deyirdim bu xalqa bir müharibə lazımdı ki,kor yuxudan ayılsın. Bir-birini qırmamış,bu aqressiyanı başqa şeyə yönəltmək lazımdı.

Bu hadisələrin fonunda müharibə başlayırdı.
fəqət müharibə öncəsi orduya günlər öncəsindən həyəcan siqnalı verilmiş üstündən çox keçməmiş ölkənin müxtəlif mərkəzli yerlərindən ermənistan və rusiya ilə 20nin üzərində rabitə əlaqəsi saxlayanlar aşkar edilmişdi.
Adını müharibənin sonunda öyrənəcəyiniz (bəlkə də bəziləriniz bilirsiniz artıq) yüksək rütbəli zabitlər və başqa xainlər artıq ələ keçirilmişdi.
Müharibənin davamında da ləng keçən günlərin hamısında da əmin olun ki,çoxlu sayda casus,satqın,vətən xaini adını nə qoyursuzsa qoyun ələ keçirilir.
Hərbi ekspertliyə lüzum yoxdur,mümkün qədər gizli saxlanılan gündəlik döyüş/əməliyyat planının bir sətri belə qarşı tərəfə ötürüləndə həmin günü apar tulla,həmin planı da.
Qısa bir misal çəkim məsələn bugün 3-5 km irəliləmə edib hansısa sarsıdıcı həmlə planlanıbsa o plandan hansısa alınan siqnala görə vazkeçirilirsə əməliyyat gecikir mövqe dəyişir,başqa yollarla həmin döyüş tapşırığını bərpa etməyə çalışırlar.

Müharibənin gedişatları bizə fikir yürütməyə imkan verir artıq. Cənubdan bütün iranla sərhədboyu əraziləri azad edən azərbaycan ordusu relyefin ona sunduğu üstünlükdən lazımınca istifadə elədi. Şimalın dağ-dərə olması isə murov və s önəmli yüksəklikləri ələ keçirməklə bütün yolları nəzarətə götürən azərbaycan ordusunun dağlıq qarabağı tam təminatsız mühasirəyə alacağı düşüncəsi verib artıq xalqa.
Bir digər məsələ də ağdam tərəfdən giriş olmamasıdır. Qeyd edim ki,azərbaycan ordusu çox güman ki,ağdamı ən az itki və tərk silahla geri qaytarmaq istəyir.

Lakin düşməni mühasirədə saxlamaq yaxşı taktika deyil və ordumuz da sağolsun daima ermənilərə getmək üçün yerlər saxlayıb. Belə olan halda ermənistanın başqa hansı çıxış yolları varsa izləyir onları ora qovur -*
Yeməyib içməyib 27 il qarabağda qarışqa kimi işləyib hər bucaqda deşik açıb giriblər.

Ordumuz isə dünya hərb tarixində yeni bir dönəmin başladığını canlı şəkildə bütün aparıcı ölkələrə göstərir. Azərbaycanın bu savaşı çox ölkənin hərb dərsliklərində,təlimlərdə göstəriləcək,üzərində təhlillər aparılacaq,istifadə etdiyi texnologiya canlı müharibə show room'u rolunu oynayır bu silahlara yiyələnmək istəyən ölkələr üçün.
Bizim bu müharibə çox savaşa öncüllük edərək,sınaq rolunu oynayır.
Qiyməti ucuz pilotsuz uçuş aparatlarını səmaya buraxırıq düşmənin hava hücum sistemi bizim ucuz pua'ları vuranda bizim radarlar artıq vuruşun kordinatını tapır daha sonra bizim dronlar,haroplar həmin qurğuları vurur.

Gələlim müharibənin reqlamentinə.
Niyə bu qədər uzun sürdü?
indiyədək alleyhop-hurrey deyib girirdik döyüşlərə 2-3 post 1-2 kənd alıb çoxsaylı itki verirdik.
Bu səfər minimum itki maksimum ərazi prinsipi ilə davam edirlər.
Həm də bir forma ilə bir batinka ilə neçə gün vuruşmalıdı bu əsgər zabit? Neçə gün çirkin,palçığın içində qalmalıdı?
Kənardan asan görsənə bilər amma çox çətindir dayanmadan döyüşmək,mümkünsüzdür.
Qeyd edim ki,daimi rotasiya ilə 3-7 gündən bir istirahət üçün geri gəlir gənc əsgərlər və könüllülər + yarası xorası olanlar. itkilərimizin də 80%i elə bu rotasiya və tampon işlərində baş verir.
Əslində daha da az itki verə bilərdik fəqət satqınlar,müharibədə smartfonların geniş istifadəsi,könüllülərin tripaşlığı çox itkiyə və ləngiməyə gətirib çıxarır.
Məxfi şöbə iş aparır bunların üzərində bir də görürsən döyüşdən geri qayıtmış əsgəri və zabiti hop götürürlər bir daha irəliyə getmir.
Ordumuz açıq aşkar hava hücumu ilə ermənistanın mövqelərini,hərbi infrastrukturu vurur çaxnaşmaya düşən erməni hərbi birləşmələrini isə xüsusi təyinatlılar və kəşfiyyatçılar qırıb biçir irəliləyir.

sonda isə çox tənqid etdiyim məlum şəxsə uğurlar arzu edirəm.
Bizim işimiz çox çətindi,sizinki də heç asan olmayacaq.