4. anadilli şeirimizin tarixində ilk iz qoymuş sənətkardır . Mənbələr onu zəmanəsinin nüfuzlu , saf mənəviyyatlı şəxsiyyəti kimi təqdim edir . Ana dilində " Divan'ı Azərbaycan və Rumda məşhur olmuşdur . Şairin irsindən dövrümüzə ana dilində üç , fars dilində bir qəzəli gəlib çatmışdır . Ana dilində yazdığı şeirlərindən biri olan " Apardı könlümü ... "
qəzəli məhəbbət mövzusundadır . Şair ilahi məhəbbəti vəsf edən bu qəzəldə insanları iki qrupa - sadiqlərə və sadiq olmayanlara bölür . Sadiq olmayanların ikiüzlülüyünü , riyakarlığını tənqid edir . Onları düzlüyə , nəcibliyə çağırır . Şair , eyni zamanda , qəzəldə bütövlük , dözümlülük nümayiş etdirir . Şeirdə lirik qəhrəmanın sevgilisinə bəslədiyi saf məhəbbət hisləri heyranlıq doğurur :

Apardı könlümü bir xoş qəmər üz , canfəza dilbər , Nə dilbər ? Dilbəri - şahid . Nə şahid ? Şahidi - sərvər ...

Burada qoyulan suallar fikrin ifadə tərzini daha da qüvvətləndirir . Bu qəzəl insan haqqında dərin düşüncələrin poetik məhsuludur. Əsər geniş fəlsəfi mənada aşiqanə qəzəldir , insanlığın gözəlliyin təsdiqi, şərin, sədaqətsizliyin inkarıdır.