3. "camaat nə deyər sonra" deyib şiddətə qarşı səs çıxarmayan qadınlar olduqca qadına qarşı şiddət də olacaq.
ümumiyyətlə tək qadına qarşı deyil, hər canlıya olan şiddət qəbuledilməzdir. söhbət sadəcə döyülməkdən getmir, psixoloji şiddət də var çoxlarının yan keçdiyi. Bu gün qızlar "ayy sevgilim məni çox sevir, qısqanır deyə qoymur nömrəm kimdəsə olsun" dedikcə şiddət də davam edəcək. bu hələ şiddətin psixoloji formasıdır və gələcəkdə fiziki şiddətə keçəcək. bu qadınlar gələcəkdə ər üçün sex machine olacaq, uşaq doğub böyüdəcək. səsini də çıxarmayacaq, çünki camaat nə deyər!
cəmiyyətdə şiddətə səs çıxarıb boşanmış qadınlara fahişə, oğlanlara gey ya başqa bir damğa vurulur. ona görə də çoxusu susub oturur. bu yaxınlarda Bakıda 8 yaşlı qız intihar etdi, səbəbi ailədaxili şiddət idi. qadınlar "uşaqlarımın atasıdı" deyib şiddətə boyun əydikcə, o ailədəki uşaq da psixoloji travmalı böyüyəcək.
nə qədər ki, qız uşaqlarının azadlığı basdırılıb oğlan uşaqlarına "kişi döyər əə" deyiləcək, ölkəmizdə şiddət də davam edəcək. məktəb vaxtı müəllimlər "özünüz evdə oxuyarsız" deyib kitabı örtməkdənsə cinsiyyət sistemini başa salsa, bu gün bir qadın sırf oğlan uşağı dünyaya gətirmədi deyə döyülüb öldürülməz.
şiddət tək ölkəmizdə qadına qarşı deyil, dünyanın hər yerində hər kəsə qarşı var. buna görə gərək hər kəs hüquqlarını bilib öz qərarını özü verməyi bacarsın. əks təqdirdə şiddət davam edəcək.
(bax: sindirella kompleksi)

(bax: azərbaycanda kişi olmaq)

(bax: azərbaycanda qadın olmaq)