47. Əslində bir az kimvurduya gedirlər sanki. Bu beni üzer, ona görə də səmimi bir iki fikrimi yazacam.

Sözlük bizim cəmiyyətin maketi kimidi. Ona görə də yazarlar idarəedici qüvvə olan modları dövlət qurumları ilə müqayisə edir ya da əməlli başlı bərabər tutur. illərdir demokratiya adı altında sitimokratiya rejimində yaşamalarına, belə lazım olan, olmayan hər yerdə qapazlanıb loxmasının alınmasına alışmış olan insanlar sanki orda deyə bilmədiklərini burda deməyə, ümumi bütün o haqsızlığa və ''böyük qardaşa'' olan kini bura qusub rahatlamağa çalışır. Amma
Gəlin səmimi danışaq. Modlar sözlüyü təsis edib, illərdir də inkişaf dinamikası yüksələcək şəkildə idarə edirlər. Söz yox ki, sözlük "fiziki" olaraq çox təkmilləşib, yazarlar da yenə növbənöv fikirlərdə... Modlar belə çox hədəf seçilən zamanlarda yazarların unutduğu bir şey var; hər birimiz müəyyən dövrlərdə fəal oluruq və zaman-zaman sözlüyü buraxıb gedirik. Amma modlar həmişə burdadır. Sözlük üçün çalışırlar. Xüsusi təhqiretmə yoxdursa inanmıram ki, hansısa mod kimləsə prinsip aparsın. Çünki zaman-zaman bir neçəsiylə ünsiyyətim olub və səmimiyyətlə öz köməklərini göstəriblər. yəni düşünülənin əksinə yeriyən ego deyillər. Əlbəttə heç nə mükəmməl deyil - heç olmalı da deyil. Bu təbiidir. Ancaq kimisə hədəf seçib baltalayanda dayanıb baxmaq lazımdı ; klaviaturamızı əsəblə işlədən o sözlər və o kin həqiqətən modlaramı yönəlib, yoxsa bu daim bastırılan hakim zümrəyə olan əsəbdirmi? Hansı ki, o əsəbi insanımız nə iş yerində müdirinə, nə evdə atasına, nə də öz "komandanına" açıqca söyləyə bilmir və sözlükdə hazır anonim bir platforma tapmışkən ürəyini boşaldır. Özünü demokratiya tələb edən azad şir kimi hiss edir.

Sözlükdə yazar olmaq üçün əvvəlcə moderlərin "ələyindən" keçəcəyini bilir hamı və belə də yazar olur. Yaxşı bəs hər hansı bir mərhələdə eyni ələkdən süzülüb çıxmağı gözə almırlarmı? Bax bu gülməlidir. Çünki sən hər hansı rəsmi saytda deyilsən və sənin paylaşımın "bura Facebook statusu yazılacaq yer deyil" deyilib silinə bilər. Bunları gözə almaq daha sonra öz fəaliyyətini davam etdirmək lazımdır. Prinsip aparmamaq -"bilgi gücdür" şüarını unutmamaq lazımdır. Təbii əgər sizin sözlükdə məqsədiniz bilgi paylaşmaq və toplamaqdırsa.


Tənqid etmə bacarığı da mühim məsələdir. Tənqid tam obyektiv bir gözdən gələndə insanın özünə də inkişafetdirici təsir edir. Və qərəzsiz olan bu yanaşmaya tənqid edilən insan belə biganə qalmır. Ancaq tənqid edərkən aqressiyanın pik həddinə çatma, ələ salma və bu kimi şeylər o tənqidi təhqirdən betər kodlayır şüuraltına.


Modlara sonda demək istəyirəm ki, bilirəm sizin də sinir sisteminiz var amma "xalqı" qıcıqlandıracaq 5 açıqlama verib, ardından gələn bir əjdaha açıqlama yerinə o əjdahanı səhnəyə əvvəldən göndərmək yaxşıdır. Hansı düzdür day özünüz seçin. Amma sözlüyə gələndə dediyim fikrin üstündəyəm, hamınız ürəksiniz. əməyiniz danılmazdır. 21ci il yazar maaşımın üstünə bu entry üçün bonus 5-6 umbay göndərin. Uğurlar. Qüdrətin yoldaşı dediyi kimi həmişə belə xoş günlərajajsjsha.


Saat 4.27 və mən yatmadığım üçün bu entryni yazıram. "Dövlət" məsələmiz olduğu üçün sabaha saxlamaq istəmədim. Belə- yenə qatqarışıq.