25. bilmirəm çox emosional davranıram, ya yox, ən nifrət etdiyim predmet.

Pul nədir? Tanrı-təbiətin * burada təbiət tanrıya bənzədilir istehsal etdiyi ağacın materiallarını bir neçə proses nəticəsində emal edərək hazırlanan kağızın üzərində bir neçə simvollar çəkilən obyekt. Bəs niyə buna bu qədər dəyər, məna yüklənir? insan doğulandan ailəsinin tək məqsədi onu həmin kağız parçasını qazanmaq üçün yetişdirmək olur. Bütün digər yüksək keyfiyyətlər ikinci plana atılır. Düşüncə? Lazım deyil. Sevgi? O heç lazım deyil, pulun düşmənidir. Bütün təhsil sistemlərimiz də insanı dünyanı öyrətmək üçün yox, dünya ilə yeni tanış olan fərdi şəxsiyyətə çevirmək üçün yox, iş tapmaq üçün hazırlayır.

Məktəbi bitirəndən sonra, sənin tək vəzifən 10-15 il sonra olacaq ailəni yaxşı saxlamaq üçün pul qazanmaqdır. Artıq talehləri tanrı yox, cəmiyyət müəyyən edir. Bütün proseslərin mərkəzində də pul qoyulur.

Pul azadlığımıza mane olur. insan azad doğulur, lakin daha sonra pulun köləsi olur, yaşam ucuzlaşır və sənin cütləşmə sonrası erkəyi yeyən dişi dəvədəlləyidəki erkəkdən heçbir fərqin olmur. insan sevdiklərini oxuya bilmir ki, orada kariyera şansı çox azdır. Məsələn biri rəsmi çox sevir və istedadı da, həvəsi də çoxdur. Lakin bu cığır üzrə Azərbaycanda pul qazanmaq imkanları çox azdır deyə gedir biznes menecmenti və ya kompüter mühəndisliyi oxuyur. Sonra 30-40 il ofisdə işləyir, işdən azad olub pensiya alır və sonra ölür. Yaşam budur pulsevərlər üçün. Pulsevər olmasaq da, acından səfil şəkildə ölürük. insan dünyaya işləmək üçün gəlmir. insan dünyaya heçbir məqsəd üçün gəlmir, bu məqsədi seçmək onun öz seçimidir. istəsə işləsin, istəsə oxusun, istəsə çəksin, istəsə yazsın. Amma pulmərkəzli həyat insanı kölələşdirir, puldan asılı edir.

Pul insanları məsələlərə ancaq peşə olaraq baxmağa vadar edir. Məsələn, keçəndəfə qadın hüquqları haqda kitab oxuyuram, anam deyir hüquqşünas olacaqsan? Psixologiya terapiyalarından oxuyuram, deyir psixoloq olacaqsan? insanlar məsələlərə pul qazanmaq vasitəsilə baxırlar. Əgər birşey pul qazandırırsa yaxşı, qazandırmırsa pis olur.

insanlar həyatdakı ən mühüm şeyi pul hesab edirlər. Əslində, düz də edirlər, çünki lənətə gəlmiş dünyada kağızın olmadı səfil olursan.

Bütün müharibələr, insan ölümləri, köləlik pula görə olub. Kağız üzərində simvol olan vahidə görə. Amerikaya nifrət edən bəşər əsəd belə üzərində amerika prezidenti şəkli olan kağızdan ötrü ürəyi gedirdi. Pul bütün ideologiyalardan, fəlsəfi baxışlardan üstündür hal-hazırda.

azad olmaq istəyirəm, kölə yox. fuck capitalism