uzaq məsafəli münasibət


    16. heç bir təcrübəm olmasa da, * özümə də fikir olsun deyə bir-iki şey aydınlaşdırıb qaralamaq istədiyim başlıq.

    bəzi şeylərə əvvəlki kimi radikal yanaşmıram. insanlar müəyyən sərhədləri gözləməklə internetdən də tanış ola bilərlər, görüşə bilərlər. hər cür münasibət üçün normaldır.
    uzaq deyiləndə ikili romantik münasibət nəzərdə tutulursa; bir tərəfim çox da yaxın olmamağın, biraz özləm kimi duyğuların olmasını sağlam hesab eləsə də münasibət anlayışının sadəcə telefonla yazışıb ildə 1 dəfə bir araya gəlmək olduğunu qəbul edə bilmirəm.

    insanlar olaraq kompleks varlıqlarıq. bir insanla sadəcə musiqi, film, kitab və s.zövqlərimiz eynidir deyə onunla uyğun xarakterə sahibik demək, məncə, yanılğıdır.
    kiçik bir misal göstərsəm, uşaqlıq yaraları eyni olan insanlar böyüyəndə bir-birindən çox fərqli şəxsiyyət tipləri formalaşdırıb çox fərqli mexanizmlərlə özlərini qoruyurlar; amma bu insanlar həmin travmalardan xatirə kimi eyni bir mahnıya ağlaya bilərlər.
    ya da internet üzərindən birini yunan heykəli kimi ideallaşdırıb xəyal qırıqlığına da uğraya bilmək olur; çünki üzüləndə, qorxanda, utananda, əsəbləşəndə necə reaksiya verdiyini müşahidə etməmisən.

    yəni ki, nə gözəl özünə uyğun birini çindən də yəməndən də olsa tapmaq. amma həqiqətən ruhunu görürükmü o insanın, ehtiyacımız olanda başımızı qoyacaq bir çiyin olurmu; yoxsa içimizdə xəyal etdiyimiz yalançı identity qurub onamı aşiq oluruq. düşündürən suallar budur.

    bir də;
    (bax: sezenler olmuş)


hamısını göstər

sən də yaz!