9. Xaricdə psixoloji basqı və ya dəyən mənəvi zərərə görə camaat milyonlarla dollar təzminat alır. Bizim özünü proqressiv sayan insanlarımız isə şiddətin ancaq əl-qol hərəkətlərindən ibarət olduğunu düşünür. Xudayarın şəhid olduğunu bir kənara qoyuram. Ortada gənc evladını beş ay əvvəl itirmiş bir ailə var. Bu yazığın torpağı heç soyumayıb. Ailə hələ də yasdadı. Təsəvvür edirəm belə şeyi eşitmək onlara necə pis təsir edib. Qara yumor, ironiya falan deyən olub. Belə yumoru çayxanada oturub öz aranızda eləyə bilərsiz. Nəticədə ailəndə kiminsə itkisi olanda gedib həmin adamın yanında ehehüheh deyib onun ölüsü ilə məzələnmirsən ki. Bu da həmin şey.
Fuadı döyənlər cəzalandırılmalıdır. Küçələrdə qoçuluq edib, ona buna cəza kəsən tayfaya göz yummaq heç yaxşı hal deyil. işin ucu başqa yerlərə gedib çıxar. Amma, təhqir də ifadə azadlığı deyil. Və təhqirə məruz qalmış tərəfin hüquqi yolla öz haqqını almaq imkanı da olmalıdır.