11. Konkret olaraq Fuadın etdiyinə reaksiya verənlər çox fərqli qruplara bölünüb. Anlamadığım isə zorakılığa etiraz etsə də bu etirazda "üstə çıxmaq" üçün özünü müdafiə məqsədli zarafatı pisləyənlər var. ok, zarafat çox düşük idi, amma siz zorakılıq haqda danışacaqsınızsa bunu da vurğulamağınız aktın üstünü ört-basdır etməyə bənzəyir;

Kiminsə etdiyi zarafat sizin üçün səhv, ya düz olsun fərq etmir. Məsələdə olan zorakılıq aktına etiraz edirsinizsə artıq söhbətin doğruluğu müzakirə olunmamalıdır. "Döyməklə düz etməyiblər, amma o da düz deməyib" nədir ki? Dediyi sənin üçün düz, ya səhv olsun - zorakılığa heç bir bəhanəniz olmamalıdır.

Bunu edən kəslər tərəfsiz görünməyə çalışa və ya birbaşa hədəfə çevrilməmək, ya da şəhidi müdafiə etmək üçün (və ya bunların hamısı) belə bir ifadə işlədə bilər, lakin bənzətmənizin hansısa qadın da zorakılığa məruz qaldıqda qayıdıb "zorakılıq göstərməklə səhv ediblər, amma o da biraz özünü x kimi aparmazdı"dan fərqi yoxdur.

Ya bu zorakılığı dəstəkləyərsən (?), ya da qarşı olarsan. Ortadaki "amma" "mən homofob deyiləm"dən sonra gələn, tamam özünü müdafiəyə fokuslu işlədilən "amma" ilə eynidir. Şəhidin anasının çıxıb "mən tapşırmışam" deməsi isə hadisənin ana üçün necə təsirli olduğunu göstərir. Düşünürəm ki, psixoloji dəstək lazımdır. K*şi iqtidarın onsuz maraqları ucbatından hamımızı sarsıltmış və parçalanmışıq. Müharibə olduğu zaman da hər şeyin parklar (kütlə üçün əyləncəli göründüyü üçün), musiqilər, şəkillərdən ibarət olmayacağını bilirdik, lakin heç vaxt düşünməzdim insanların fərqi görüşlərə sahib olanları damğalamaq bir tərəfə birbaşa baltalamağı belə xəyal edəcəyini. Reallıqlar dünyasının pox-püsüründə boğularkən cəhənnəm, psixologiyamızı qorumağa çalışaq, bir də gəlin, bir-birimizi qırmayaq, müzakirə edək e, amma...