1. "1997-ci ildə hərbi xidmətə çağrıldım və bir müddət sonra əsir düşdüm. Məni Şuşa türməsinə apardılar. Qış idi, məni qarın üstünə çıxarıb, orada erməni əsgərlərə təhvil verdilər. Əsgərlər məni yerə uzadıb əllərimi bağlayıb, üstümə benzin tökdülər. Benzinin qabını da başımın altına qoydular. Məni yandırmaq istəyəndə xəbər gəldi ki, yandırmayın. Maşının yük yerinə mindirib qabağıma yemək qoydular. Yemək istəyəndə məni döyməyə başlayırdılar. Döyə-döyə bir kəndə gətirdilər. Sonra gördüm ki, Şuşa türməsindəyəm. Orada çoxlu yaralı azərbaycanlı var idi. Birinin də gözünü çıxarmışdılar. Dedilər ki, 1992-ci ildə əsir düşüb. Betonun üstünə su tökürdülər və biz orada yatırdıq. Tualetə getməyə 3 dəqiqə vaxt verirdilər. Qaça-qaça gedəndə tualetə 4 dəqiqəyə çatırdıq. Artıq qayıdanda 7 dəqiqə olurdu və bizi amansızcasına döyürdülər.
Bir müddət sonra məni iki nəfər maşına mindirib dağa apardı. Orda düşürdülər ki, güllələyirik. Sevindim ki, canım qurtarır. Dedilər ki, geriyə dön. Döndüm ki, bizim postumuzdu. Məni saxladılar və başladılar bizimkilərə tərəf atəş açmağa. istəyirdilər ki, bizim postdakılar da atəş açsın və bizi vursunlar. Amma bizimkilər məni vurmadılar.
Ağzımdakı qızıl dişlərə qədər çıxardılar".
