5. illər əvvəl adf.ly tərzi bir şey yaratmaq fikrindəydim. Ancaq ölkə şərtləri, insanların texnologiyayla davran(amay)ışı, netdəki sistemlərə etibarsızlıq, reklamverən azlığı və s. səbəblərdən başını buraxdım. Ümumiyyətlə azərbaycanda veb layihə qurmaq mənasızdı. Tanıtmaq başdan ayağa xərc, böyük dərddi. Tanıtdın, işlək saxlamaq, təkmilləşdirmək bir ayrı dərddi. Texniki dəstək təminatı bir dərddi. Yadınızdadısa lalafo çıxanda tvlərdə reklam olunurdu. Yəni nə seo xətrinə, nə internetdəki reklamlar xətrinə, nə backlink, nə də adının alqı-satqını anımsatması xətrinə tutmadı. Hazır scriptdə qurulmuş, dəxilsiz domein adlı, ancaq külli miqdarda maliyyə dəstəyi olan bir sistemdi. Başlıqda sözügedən layihə daxil olmaqla ev yoldaşı, yol yoldaşı tapma sistemləri, onlayn freelancer və ya günəmuzd işçi (usta, fəhlə, suvaqçı, santexnik və s.) tapmaqçün mini portallar görmüşəm son illərdə həvəslə açılıb, elə bir az keçəndən sonea da göz görə-görə bağlanıb. Adını çəkməyəcəm, ancaq bu tip layihələrdən birinin müəllifi də özüməm. Vaxtikən 4 ay yayı oturub script modladım, sistem yaratdım, ancaq maddiyyat səbəbindən batıb getdi. Odur ki bu ölkədə bir çox sahə kimi vebdə də əziyyət çəkib iş görməyə dəymir. Çünki müəyyən və adətən eyni səbəblərdən hamısının taleyi eyni olur.