3. Hinterland oyun şirkəti tərəfindən publikaya buraxılmış oyun. Oyunun ssenarisi növbəli güncəlləmələrlə gəlmiş 3 epizoddan ibarətdi hal-hazırda. Ümumilikdə 5 epizod olmağı nəzərdə tutulur və bütün oyunçular maraqla 4. Epizodu gözləyirik. Oyunun maraqlı hekayəsi var. Researcher olan Dr. astrid greenwood turist gəzdirmə işi ilə məşğul olan köhnə həyat yoldaşı will mackenzienin uzun müddət sonra yanına gedərək onu Kanadanın ən ucqar nöqtələrindən olan Great Beara aparmağını xahiş edir. Will hava şəraiti, təyyarənin köhnəliyi səbəbilə ilk başda etiraz etsə də, sonra qəbul edir. Great Bearə az qalmış göy üzündə qütb işıqları peyda olur və təyyarənin bütün elektronik sisremi sıradan çıxır. Beləcə qəza baş verir və yerə çırpılırlar. Oyun survival ağırlıqlı olsa da ssenaridə müəyyən mssiyalardan keçməli oluruq. insan oynadıqca həmin soyuğu, qar-boranı, fırtınanı iliklərinə qədər hiss edir. Oyunda maraqlı, yaxşı və pis personajlarla üzləşirik. 3. Epizodun sonunda gəldiyimiz nəticəni demək istəmirəm, oynamayanlarçün bu qədəri belə spoilerdi onsuz. Ancaq oyun boyu üstüörtülü keçən dialoqlarda konkret sətiraltı və gizli mesajlar olduğunu düşünürəm. Məlum məsələdi, sirr deyil ki müəyyən kino, animasiya, serial və oyunlarda real həyatda baş verən hadisələrlə bağlı istər əvvəlcə, istərsə də cari zaman dilimində müəyyən mesajlar, mistik məlumatlar ötürülür. Bu oyunda da qəribə şeylər sezirəm. Görək 4 və 5. Epizodlar necə olacaq, sonunu necə bağlayacaqlar. Oynamayıb da fərqli atmosfer görmək istəyənlərə şiddətlə məsləhət görürəm.