9. Qeydiyyatdan keçdikdən sonra moderatorlar tərəfindən aldığım mesaja görə, yazar olmaq istəyirəmsə, gərək entry'lərim uzun və anlamlı olsun. Onsuz da çoxdanışan biri olduğum üçün bu mənim üçün heç də çətin olmayacaq. Hər nə isə, ümid edirəm, oxuyarkən sıxılmarsız. Keçək əsas yazıya.

Günümüzdə onsuz da çox olan problemlərə bir də intaharlar və qadına şiddət əlavə olundu. Gəlin bir neçə sual qoymaqla mövzuları araşdırmağa çalışaq:

1.Qadına şiddətin səbəbləri nədir?
2.Məqsədi nədir?
3.Ətrafdakiların bu məsələyə münasibəti necədir?
4.Bunun qarşısını necə almaq olar?

Başlayaq ilk sualdan:
1. Bir az dərinə getsək, keçmişə nəzərən hal-hazırda ailə içi münasibətlər daha soyuqdur. istər övlad-valideyn, istər valideynlərin özləri arasında olan bu soyuqluq, vulkanın partlaması üçün başlamış ilkin qaynamalardır.
Cəmiyyətimiz üçün çox xeyirli və vazkeçilməz olan telefonlar bizi içdən-içə məhvə aparır. Hər kəs başı aşağı vəziyyətdə bir əli (bəzən hər ikisi) telefonu tutmaqla məşğul, gözlər şüalı ekrana zillənmiş haldadır. Bəs Qraham Bell telefonu buna görə mi icad etmişdi? TƏBii Ki YOX! insan özü özünü məhvə sürükləyir. (albert Eynşteyn) deyib ki, "3-cü dünya müharibəsini bilmirəm, amma 4-cüsü daş və çubuq ilə ediləcək!" Düşünsək, bu söz bizim yaşadıqlarımızı birəbir izah edir. Araşdırmalara görə 1970-ci ildən sonra dünyaya gəlmiş insanların iQ səviyyəsi keçmişdəkilərə nəzərən daha aşağı olur. Səbəbi isə, əlbəttə ki texnologiyadır.
Günümüzdə bir məlumat almaq istəyiriksə interneti açıb (əslində heç bağlamırıq) bir kəlmə istədiyimizi yazırıq. Nəticədə qarşımıza müxtəlif səhifələrdən doğru olub-olmadığı bəlli olmayan yazılar çıxır. Biz də o yarı-yarımçıq məlumatı oxuyub, yanlış fikrə sahib oluruq.
Bəs keçmişdə bu hadisələr necə cərəyan edirdi?
-Bir söz eşidirsən Və bu səndə maraq oyadır. Sən bunu əvvəlcə yaxınlarından, ahıllardan soruşursan; Verdikləri cavab səni qane etməzsə, üz tutursan kitabxanalara. Orada yüzlərcə kitabın tozlu səhifələrini vərəqlədikdə, gözün bir cümləyə ilişir. Sən bu cümlədən ya ibrət alırsan, ya həyat şüarı edirsən özünə. Ya da o cümləni bir məlumat kimi beyninə həkk edirsən. Ən əsası isə, sən bunları edərkən həyatdan zövq alırsan. Texnologiya insanları həm bir-birindən, həm də həyatdan soyudur.
(Biraz mövzudan yayınsaq da, gerçəkləri nəql etdim)

2.Zorakılığın, şiddətin məqsədi nə ola bilər ki?
insanlar sevgi görmədikdə aqressivləşir, tərs davranır. Biraz əvvəl də qeyd etdiyimiz kimi, Texnologiyanın hökmranlıq etdiyi bu dövrdə kimdən sevgi uma bilərik ki?! Bir dövr ki, yeni doğulan körpə zibil qutusundan tapılsın. Bir dövr ki, qardaş qardaşı əl çirki adlanan pula görə öldürsün. Həqiqətən, söhbət hansı sevgidən gedir?!
"Uşaq evin aynasıdır" deyirlər. Yəni ki evin böyükləri özləri də bir zamanlar aqressiya ilə qarşılanıb. indiki valideynlər özləri də bilmədən gələcəyin qatillərini, psixozlarını böyüdürlər. Onların bu gün etdiyi qəddarlıq, zorakılıq səhəri gün o uşağın cinayətkar, maddə asılılığı olan şəxs kimi yetişməsinə çox böyük təkan verir.

3. Heç diqqət etmisinizmi, bilmirəm. Bir qadının öldürüldüyü xəbəri ilə qarşılaşdıqda ətarfımızdakılar belə bir reaksiya sərgiləyir: Görəsən hansı qələtini öyrəniblər ki, başını kəsiblər/asıblar/ öldrüblər?
Düşünsək ki bir topluluqda hər kəs belə düşünür, o toplum olmasa ondan daha yaxşıdır.
insanların nəzərinə çatdırmaq istəyirəm ki, qadın zərif məxluq olaraq yaradılıb. Zəif deyil! Bir hadisə baş verən kimi, işin nə yerdə olduğunu bilmədən birbaşa qadına çığırmaq, qışqırmaq, çəmkirmək, döymək, söymək insanlığın dırnaqarası "vəzifəsi"dir.
Nəhayət 4-cü sualımız
4. Bu kimi problemlərin həlli.
Çoxlarının əlbəttə ki, ilk cavabı "QIZLARI ABIRLI BÖYÜTMƏK" olacaq. Amma heç kəsin ağlına quduzlaşmış, insanlıqdan uzaq, qudurğan məxluq olan həyat yoldaşı gəlməyəcək.
Hə. Eşitdiyimə görə zorakılığa və şiddətə qarşı qadınların yaşaması üçün sığınacaqlar hazırlanıb. Amma kaş ki bunun yerinə vəhşi həyat yoldaşlarının ətrafa daha çox zərər verməmələri üçün qəfəslər təsis edisəydi.

Hər nə isə. Düzdür, entry daxilində heç bir link, şəkil və.s. paylaşmadım. Çünki bu ilk yazdığım entry'dir. Və hələ düzünə qalsa, düzgün öyrənə bilməmişəm. Bu arada, yuxarıda yazdığım məlumatlandırıcı hissələrin heç biri özümdən uydurma deyil. Sadəcə haradan öyrəndiyimi unutmuşam deyə hər hansı mənbə adı deyə bilməyəcəm..