7. Milli aksizlə istehsalı təxminən 2017-dən falan dayanmış siqaret. Yadıma gəlir 2016-cı ildə çox çəkirdim bundan. Sonra necə oldusa bir aya yaxın heç bir mağaza, köşkdə tapılmadı. Bir ay falan sonra 'xarici' istehsal adı ilə üstündə ingiliscə klassik smoking kills yazıları ilə satılmağa başlandı. Yerli aksizlə qiyməti 1.7 azn idi səhv eləmirəmsə o vaxtlar (dəqiq yadımda deyil amma elə olmalıydı), ancaq bu xarici adıyla satışa çıxarılanın qiyməti yerinə görə 2.5-3.0 azn arası dəyişməyə başladı. Dahası yerli aksizdən dadsız, keyfiyyətsiz idi. Bir dəfə həyatımda ən ucuz siqaretdə belə rast gəlmədiyim şeyə rast gəldim bu xarici adıyla satılanlarda. Qutunu açdım, gördüm siqaretin birinin ya ikisinin filtri yoxdu arxasında. Halbuki avtomatik istehsalatda belə bir şey mümkün deyil, bilənlər bilir. Anormallıq aşkarlanan məhsul istehsal lentindən çıxarılır, ən sonda isə vizual müayinəyə məruz qalır mütəxəssislər tərəfindən. Hə bir də ki orijinal aksizliyə nəzərən filtrinə yaxın hissədə bənövşəyi boya ilə indi xatırlamadığım nəysə yazı yaxud logo var idi. Yenə üstündə azərbaycanca yazılarla buraxılır ya yox bilmirəm, ancaq xarici adıyla satılanların qırmızı winstonla əlaqəsi yoxdu. Axırıncı dəfə orijinal dadda rusiyada olan müddətdə çəkə bilmişdim. Həmçinin bizdəki qırmızı marlborolar da əfsanə dadı verir, ancaq orda yerli aksizlə satılan qırmızı winstonla krasnıy marlboro arasında çox fərq hiss eləmədim, dad, keyfiyyət super idi.

P.s.: bu entry siqaretə təşviq xarakteri daşımır, özüm 9 il çəkib bir neçə xəstəliklə yersiz səmimiyyətdə olandan sonra atmışam. Qəti sürətdə də heçkimə məsləhət görmürəm siqaret çəkməyi. Onsuz inkişaf eləmiş ölkələrdə demək olar ki çəkən yoxdu, ancaq bizimki kimi 3. Dünya ölkələrində çox çəkilir. Siqaret təkcə ağciyərlərinizə yox, ən xırda toxumalarınıza belə ziyandı. Çəkməyin, çəkdirməyin.