5. isdirəm 25 yaşlı, ofisdə işləyən, qazandığının yarısını kosmetikaya, paltara verən, şir bürcü olduğu üçün dünyanıın ən şanslı adamlarından biri olduğuna bütün ruhuyla inanan, bir gün fit bədənli, hündür, yaraşıqlı və varlı oğlanla evlənib Almaniyaya gedəcəyini gözləyən Vüsalə olum. Müdirim Kama xanım hər dəfə 166 Cargo -dan nəsə sifariş edəndə məndən soruşsun ki " ay qız bax gör bu plat(ç)ya necədi? Amma mən nə desəm də istədiyini alsın. Hərdən Kama xanım otağa girəndə havanı qoxulayım deyim ki, "Oy Kama xanım, parfüm prosta suppa". O da öz puluyla aldığı ətir haqqında desin ki, "hə, sağolsun boss xədiyə edib". Kök və baxımlı olan, həyatda heç bir əziyyət görməyən, ata hesabına hər istədiyini eləyən, bu işə də başını qatmaq üçün girən, profilinə ancaq kosmosla bağlı şəkillər qoyan, pulu dollarla yığan iş yoldaşım 24 yaşlı, Sevdayla nahar vaxtı işdən danışıb, maaşın azlığından şikayətlənim, o da sol əlində telefonda intagramı aşağı eləyə-eləyə sağ əliylə də çəngəli makarona batırıb qayıtsın ki “ ay qız o maaşı tapmayanlar da var”