2. intro musiqisini bəyənib izləməyə başladığım, *hbo*-nun ən yaxşı işləri arasında indidən özünə yer etmiş serial. 2-ci sezonun final bölümü olan 'this is not for tears' imdb-də 9.8 reytinq alıb və indiyə kimi baxdığınız ən yaxşı serial finallarını unutdura biləcək bir finaldır.

media maqnatı olan roy ailəsində ailənin başçısı logan royun işləri buraxma qərarının ardından uşaqlardan kimin əsas rola gələcəyi sualı yaranır. uşaqların heç-birinin də bu rola düz-əməlli hazır olmadığını nəzərə alsaq, ortaya dadından doyulmayan bir dram-komediya çıxır. not to mention, dark comedy sevirsinizsə serialı bəyənəcəyiniz ehtimalı çox yuxarıdır. gözəl tərəflərdən biri də hər hansısa xarakteri tam olaraq bəyənib özününküləşdirməyin çətin olmasıdır. hamısının müxtəlif problemləri var və 'good guy'-ı tapmağınız biraz vaxt alacaq.

ümumilikdə serialda istifadə olunan musiqilər, aktyor heyəti, skriptlər hamısı mükəmmələ yaxın bir səviyyədədir. 1-ci və 2-ci sezonu hər biri 10 epizoddan ibarət olan və hazırda davam edən 3-cü sezonun 6-cı bölümü an etibarıyla bugün yayımlanacaq bu golden globe, emmy mükafatlarına sahib seriala bir göz atmağınız şiddətlə tövsiyə olunur.