405. Yenə mən gəldim günlük.
Deyəsən ən az entry yazdığım başlıq bu olmalıdır. Hə hisslərimi, düşüncələrimi fln paylaşmağı çox sevmirəm. Düzünə qalsa, bunu çox da bacarmıram. Ya həddindən artıq reaksiyalarla "abardılmış" şəkildə görsənir, ya da divar kimi biri olduğum deyilir. Duyğularım yoxdu cart curt. Bu başlığa hər yazdığım anı durub bir düşündükdə isə deyəsən ya yaşamımda önəmli birşey olmaq üzrə olur, ya da bezib düşüncələr içində boğulduğum üçün yazıram. Hə indi də ikinci halla qapına gəldim soz6)
Bir vaxtlar həyatımın bu yaşlarını ən ali zirvəsi olaraq fln görürdüm. indiki yaşımda olanlara uşaq vaxtı həsəd aparırdım. "Ay da bir gün mən də elə olacamm" fln. Bu dövrü yaşamımın zirvəsi olaraq düşünürdüm. Amma bəlkə də ən çox çalışmalı və ən bərbad dövr budur. Gələcəkdə nə olacağı haqqında heç bir fikrim yoxdur. Amma sanmram bir daha bu qədər monoton yaşam tərzinə sahib olum. Qəribə bir şəkildə əvvəllər etməyə imkanım olmayan şeylərə indi həvəsim də qalmayıb. Adi birşey kimi görünə bilər kənardan. Amma bir şeyə həvəs göstərmədən, bir məqsədin olmadan yaşamaq çox qəribədir. Fərqində olmasam da uzun müddətdir ki, işlər cığırından çıxıbmış. "Sonunda nə olacaq bəs?" Deyə özümə bir sual verdikdə isə hal hazırda olanların böyük bir vaxt itkisi olduğunu anladm. istədiyin ixtisasda oxumamaq, gələcəyini bu mövzu ilə bağlı qurmayacağını bilmək insanı boşluğa atır. "Onsuz da bir işə yaramıyacaq ki" deyib hər şeydən əlini üzürsən. Tam bu momentdə isə ətrafındakilər elə bunu gözləyirmişcəsinə sənə olan güvəni, ümidi, rəğbəti zibilqabına atırlar. Səni işəyaramaz olaraq tanımlayırlar. Hər şeyin məqsədi olmalıdır okey, amma o məqsəd özü bir işə yarayacaq mı deyə düşünən yoxdur. Sözdə hər kəs hər işini gələcəyini qursun deyə edir. Amma bu yolda sən ən xırda addımını atdıqda üz çevirirlər.

insan qəribə məxluqdur. Hamısını eyni anda Necə razı salmaq olar müşkül məsələdir. Birinə xoş olduqda birinə naxoş olursan. Və ara yerdə öz istədiklərin batıb gedir. Özünü unudursan bir sözlə. Həyatını başqalarının istədiyinə görə yaşamağa başlayırsan. Ola bilsin ki onlar sənin "yaxşılığını" düşünür. Amma öz vəziyyətlərinə baxdıqda acınası halları sənin də həyatının buna bənzər olabilməsi qorxusu tükləri ürpərdir.
Hə günlük biraz əlaqəsiz cümlələrlə də olsa, bu gün də ağlımı qarışdıran, saatlarca divarı izləyib beynimi məşğul edən söz yığınını səninlə paylaşdım.