həmişə demişəm yenə də deyirəm. azərbaycanın beynalxalq arenada biabır olması üçün qara donlu kafirlərə, erməni lobbisinin fəaliyyətinə ehtiyac yoxdu. azərbaycanın verdiyi açıqlamalarla özünü biabır etmə kimi bir eşqi var onsuz da. (əlaqəli entry: #227057)
əslində bu xüsusiyyət ermənilərdə də var. onların lobbiçiliyindədi ya dünyanın onların açıqlamarına göz yummasındadı bilmirəm amma vəziyyətdən çıxa bilirlər. məsələn 2019-cu ildə ermənistan mn david tonoyan açıqlama vermişdi
ki, torpaqların sülh yolu ilə qaytarılması məsələsi bitdi, indi yeni torpaqlar üçün yeni müharibələr vaxtıdı. azərbaycan xin bu açıqlama barədə sadəcə "ermənistan dövlətinin növbəti aqressiv açıqlaması" kimi yüngülvari cavab verdi. müdafiə naziri kimi vacib bir şəxsin verdiyi bu açıqlamadan nə müharibə vaxtı nə də müharibədən sonra istifadə olunmadı. (ən azından mən heç yerdə görmədim) dövlət gərək şalvarını başına çəkib bu açıqlamanı bmt-yə qədər çıxardardı ki, baxın ermənistan necə təcavüzkar ölkədi. bu açıqlamadan bir il sonra müharibə oldu, müharibədən sonra da tonoyan istefa verib getdi.2020-də ermənistan açıqlama verdi ki, mingəçevir su anbarı daxil mühüm strateji obyektləri vurmaq imkanları var. azərbaycan bundan iki cür istifadə edə bilərdi. ya özünü qurban, ermənistanı isə təcavüzkar göstərməli və su anbarının vurulması ilə nələrin baş verəcəyini dünyaya çatdırmalı idi. ya da ki "ermənistanın bizi vuracaq texnologiyası yoxdur, varsa da azərbaycan ordusu daha üstün texnologiya ilə o raketləri göydə məhv edər" kimi güclü amma müdafiə xarakterli açıqlama verməli idi. bəs bizimkilər neynədi? ermənistanla sidik yarışına girib "biz də metsamor atom elektrik stansiyasını vurarıq" kimi bir açıqlama verdi. açıqlamanı verən ya xəritədə metsamor aes-in yerinə baxmıyıb, ya da atom aes-in partlamasının nə olduğunu bilmir. nəticədə ilk təhdidi edən ermənistan olmasına baxmayaraq xarici xəbər saytları "azərbaycan ermənistanı nüvə müharibəsi ilə təhdid edir" kimi xəbərlər paylaşdılar.
indi bu gün yenə biabır etmə eşqimiz işə düşüb. socar-a yaxınlığı ilə bilinən haberglobal saytı yazıb ki, ermənistan ukraynanın işğalını dəstəkləyərək rusiyaya 4 ədəd su-30 göndərib. xəbərin mənbəyi? türklər demiş, adminin götü. heç bir mənbə yoxdu. elə xəbərin içinə "əldə etdiyimiz məlumata görə" yazmaqla iş düzəlmir axı. nəticə olaraq ermənilər xəbəri təkzib etdilər. onsuz da qarabağda son baş verənlərə görə gözlər bizə çevrilirdi. indi olduq ukrayna müharibəsindən istifadə edərək ermənistana qara yaxmağa çalışan trol ölkə. (bu xəbər doğru ola bilər. məsələ xəbərin heç bir əsas olmadan təqdim olunmasıdı)
haberglobal xaricdə azərbaycanın xeyrinə xəbər yazan tək-tük xəbər saytlarından biridi. o da bizim saytlardan daha biabırçıdı. sadəcə türklərin və bizim gözümüzdən pərdə asmaq üçün var. xəbər saytı alıb başlarında durmağa ehtiyac yoxdu. lobbiçilik fəaliyyəti, ianələr və s. ilə xarici saytlara ölkənin mənafeyinə uyğun xəbərlər dərc etdirmək, atılan böhtanları da tez təkzib etmək lazımdı. bizimkilərin yazdığı xəbərləri ingilis dilinə tərcümə etməklə biabır oluruq sadəcə. misal üçün jeff bezos xəbər saytlarından hissələr satın alır. öz biznesini dəstəkləyən xəbərlər yazır. çətin şey deyil yəni.