92. islam dinində peyğəmbər hesab edilən məhəmmədin möcüzə göstərməməsi faktıdır. quranda isanın, musanın, yunusun və başqalarının möcüzələrinə geniş yer verilir və açıq şəkildə bunların möcüzələr göstərdiyi bildirilir. məsələn isanın ölüləri diriltməsi, musanın dənizi ikiyə ayırması və sairə. amma quranda məhəmmədin möcüzələri haqda açıq şəkildə heç nə yoxdur.

bəzən müsəlmanlar buna cavab olaraq ayın ikiyə ayrılması ayəsini misal gətirib deyirlər ki quranda məhəmmədin möcüzələrindən danışılır. ayə bu şəkildədir: "qiyamət çox yaxınlaşdı və ay parçalandı." Amma bu ayədə məhəmməd ayı ikiyə parçaladı şəklində bir cümlə yoxdur və bəzi islam alimləri də bu ayədə ayın məhəmməd tərəfindən bölünməsi haqqında heç nə olmadığını ayədə qiyamətə yaxın ayın bölünəcəyindən yəni gələcəkdə yaşanacaq bir hadisədən danışıldığını deyirlər. yəni heç müsəlmanlar da yekdilliklə bu ayədə məhəmmdin möcüzəsindən danışıldığını qəbul etmirlər.

hətta məhəmmədin möcüzə göstərməsi haqqında nəyinki ayə heç mütəvatir hədis (ən etibarlı hədis növü) də yoxdur.

bəziləri də çıxıb deyə bilər ki məhəmmədin tək möcüzəsi qurandır. bunlara ok deyib keçirik. öz şəxsi fikirləridir və müzakirəyə, mübahisəyə açıq mövzudur . şəxsən mən quranda heç bir möcüzə görmürəm. və belə mübahisəli mövzunu ölü dirltmək, dənizi ikiyə ayırmaq, iflicləri sağaltmaq kimi məsələlərə bərabər tutmaq ədalətsizdir.

bəs niyə quranda, mütəvatir hədislərdə məhəmmədin möcüzələri yoxdur? məncə çünkü elə məhəmmədin möcüzəsi də yoxdur ona görə. quranın özündə də bunun izləri var. məsələn isra surəsi 59-cu ayə. məkkəli müşriklər məhəmməddən tələb edirlər ki bəs əvvəlki peyğəmbərlər möcüzələr göstərib sən də göstər. məhəmməd isə cavab olaraq bu ayəni yazır: "Möcüzələr göndərməyimizə mane olan şey əvvəlkilərin onları yalanlamış olmasıdır. Biz Səmud qövmünə açıq-aşkar (bir möcüzə olaraq) dişi bir dəvə vermişdik. Ancaq onlar (dəvəni kəsdilər və) buna görə zalım oldular. Biz möcüzələri yalnız qorxutmaq üçün göndəririk." (isra 59). yəni məhəmmədin cavab olaraq uydurduğu ayəyə görə əvvəlki qövmlər peyğəmbərlərdən möcüzələr tələb edib və onlar da möcüzə göstəriblər amma xeyri olmayıb, day allah da görüb ki möcüzənin xeyri olmur məhəmmədə möcüzə verməyib...amma sonrakı dövrlərdə müsəlmanların əksəriyyəti bu problemi görüblər və peyğəmbərliyin sübutu üçün möcüzəyə ehtiyac duyulduğunu hiss edərək məhəmmədin öz ana-atasını diriltməsi, əlindən su fışqırması kimi möcüzələri olduğuna dair hədislər uydurublar, lakin bu hədislər də uydurma olduğu üçün mütəvatir mərtəbəsinə də çatmayıblar və islamın hədis üsulu elminin özünə görə də şübhəlidirlər.

Burda məsələyə sadəcə müsəlmanların əllərindəki materiallara əsasən baxdım, yoxsa mən isanın, musanın möcüzələrini də qəbul etmirəm. məhəmmədin isə möcüzə sahibi olması heç islamın öz mənbələrilə belə sübut edilə bilmir, əksinə islam mənbələrilə məsələyə obyektiv baxdıqda məhəmmədin heç bir möcüzəsinin olmadığı qənaətinə varırsan.