1. 2016-cı ildə 14 yaşlı qızı Elsarəni bakirə olmadığı üçün öldürən Züleyxa Cəfərova bu yaxınlarda əfv sərəncamına əsasən azadlığa buraxılıb. Qızın vaxtiylə anasına dediyinə görə,bibisi oğlunun təcavüzünə məruz qaldığına şübhə edilsə də sonradan qorxduğu üçün belə dediyi məlum olub. 3 avqust 2016 tarixində qızını evdə boğaraq öldürüb.
Başlığı açma səbəbim,hadisə deyil,bu hadisəyə haqq verilməsidir. 14 yaşındakı bir insan həyatı necə dərk edə bilər ki,sən onun düzgün olmayan və ya vaxtından tez münasibət qurmasını onu başa salmaq əvəzinə,yanında olmaq əvəzinə cəzalandırmaq haqqını özündə bu dərəcədə tapasan. Ki heç bir yaşda öldürməyin sözü gedə bilməz. Bir yaşdan sonra ümumiyyətlə heç kimə söz düşmür.
Bu valideyn məsuliyyətindən çıxış yox,qaçış yoludur. Və özünə ana deməyi bacaran varlıq,durub adını namus qoyur,özünə haqq verir. Əfv qərarı çıxdıqdan sonra isə sosial mediada buna haqq verənlər var,bu isə necə acınacaqlı halda olduğumuzu göstərir birdaha