99. Detektiv filmlərindəki tipik komanda:

bir ağıllı bir yaşlı bir də gənc və axmaq intern kimi görünən detektiv.
Ağıllı adam: 30-40 yaşlarda normal həyatı varmış kimi görünən ama işini ciddiyə aldığı üçün axırda həyatı bərbad olan və filmin baş rolu.

Yaşlı adam: Mentor siması. 55-65 yaş. illər əvvəl uğurlu olmuş və bir nöqtədə haqsızlıqla üzləşərək şöbənin ən ucqar köşələrinə köçürülmüş həmin müdrik insan. Hərşeyi eşidər və müşahidə edər, aradabir məsləhət verər ama dirəşməz. Axırda filmin sonunda baş rol çıxılmaz vəziyyətdə qalanda vinçester səsi gələr və növbəti kadrda adam ağzında siqaret başında papaq gözündə eynək can alıcı replikasını deyər: It feels good to be back in the game!

Sonra yaxınlaşar öldürdüyü adamın gözünün içinə baxıb "Məni tanıdın?" deyər. Və beləcə məlum olar ki, cavan adamın axtardığı adam vaxtı ilə yaşlı detektivə haqsızlıq eləyib həyatını alt-üst eləmiş şəxsdir.

Filmin son kadrlarından əvvəlki səhnədə də axmaq gənc detektiv axırdan-axıra hərşey qurtarandan sonra çatar. Hələ ondan sonra da polis bölməsinin adamları görərik ki çöldə bir saatdı əllərində silah dayanıblar mal-mal.

Ondan sonra da ambulans səhnəsində həkimlər bu ikisinə tibbi yardım göstərəndə bu axmaq əlində kofe gəlib bizimkilərə uzadıb onlara bir iki tərif yağdırar.

Bundan sonra da flashforward'lar və qara ekran.

Written and Directed by
David Fincher