18. 'Az ye, arıqla'
Çəki vermək qalıcı çəki verməyə bərabər deyil. Tez arıqlamaq istəyirsiniz? Onda müxtəlif diyetalar, az kalorili yeməklər, çoxlu hərəkət və tərəzidə nəticəni görürsünüz. Məsələ bundan sonra başlayır. Qısa müddətdə nəticə əldə edildiyi üçün bu şəxsə həyat tərzi və sağlam qidalanma ilə bağlı heç nə öyrətmir. 'Arıqladım, artıq əvvəlki həyat tərzimə geri qayıda bilərəm' deyib yenidən çəki alınır. Qalıcı çəki vermək çətin və vaxt tələb edən bir prosesdir.

'iradəli ol bir az'
Yasaqlı və ya zərərli maddələr insana həmişə daha cazibəli gəlir. Diyetoloqların yasaqladığı qidalar da eyni hissi verir. Normalda həmin qidada 1 porsiya ilə kifayətlənəcək olan insan, o an daha çox yeyəcəkdir və sonrasında vicdan əzabı çəkməyə başlayacaq. Bunun harası sağlam diyeta oldu? Heç bir yemək təklikdə pis/zərərli/yararsız olmur. Buradakı əsas məsələ onun miqdarı və müddətdir.

hamı eyni deyil
Özüm də kiməsə bu mövzu ilə bağlı məsləhət verəndə (özü istəsə təbii ki) nəzərə alıram ki orqanizmimiz, yaşayış tərzimiz və bədənimiz eyni deyil. Kimsə ərgənlik zamanı çəki alıb, kimsə hamiləlik zamanı alıb, kimsə depresiya zamanı alıb, kimsə travma sonrası alıb və s. bu siyahı uzanıb gedir belə. Mənim həyata başladığım nöqtə ilə qarşımdakı eyni deyil.

Əslində deyiləsi çox şey var, adicə gördüyümüz ortayaşlı kişilərdə qarının olma səbəbi qaraciyərdəki problemlərlə bağlı olabilər. Ya da çətin diyetaların mensturasiyanın pozulmasına gətirib-çıxarması haqda da yaza bilərəm. Amma anlayanlar üçün bu qədər yazı da bəs edir.
Bu mövzu ilə maraqlananlar 'emotional feeding' lə bağlı da interneti açıb oxuya bilər.