1. Sizə Azərbaycan vətəndaşı, II Qarabağ müharibəsi qazisi olan, "Kəlbəcərin azad olunmasına görə" medalı ilə təltif olunan Misir Qasımlı haqqında məlumat verim. Misir Qasımlı və dostu Sübhan Quliyev təxminən bir ildən çoxdur ki Ukraniyada polis nəzarətindədir və məhkəməsi davam edirdi. Onların işinə Cinayət məcəlləsi əsasında baxılır. Adam döymək və yaralamaq üzrə ittiham olunurlar səhv etmirəmsə. Misir Qasımlının özünün verdiyi müsahibəni yazıram bura.  "Həmin şəxs məni onu döyməklə şərləyib. Amma əllərində heç bir sübut yoxdur. Məni sifarişlə həbsdə saxlayırlar. Qanunsuz silah daşıma, adam qaçırma, adam döymək kimi ittihamlar irəli sürüblər. Şərləyən şəxs də ispaniyaya getdiyi üçün onu məhkəməyə belə çağırmadan iş aparırlar.

Mən özüm Rusiyada yaşayırdım. Müharibə vaxtı döyüşmək üçün Azərbaycana gəlib könüllü cəbhəyə yollandım. Müharibədən sonra isə Ukraynaya gedib işlərimi orada davam elədim. Bir dəfə Azərbaycandan dostum gəlmişdi. Onunla ad gününü qeyd etməyə getmişdik. Bir ispan vətəndaşı yaxınlaşdı. Sonradan araşdıranda xəbərim oldu ki, atası ərəb, anası erməni imiş. Bizimlə ingiliscə danışırdı. Tərcümə üçün ofisianta yaxınlaşdı. Ofisiant dedi ki, səninlə tanış olmaq istəyir. Hesabımızı bağladı. Ordan çıxıb başqa yerə getdik. Yolda içkili idim və aramızda söz-söhbət yarandı. Mənə narkotik satmağı təklif elədi. Mən də belə şeylərdən uzaq olmaq üçün onu maşından qovdum".

Əslində o qədər də tutarlı gəlmir. Yenə də ən doğrusunu məhkəmə bilər. məhkəmə də bildi və Misir Qasımlıya 8 il iş verildi. Hər kəs qərardan narazıdı, Ukrayna hökümətinə qarğışlar, lənətlər oxudan, Rusiyanı haqlı görən bir xalq düşünün. Bəli o xalq siyasəti , cinayəti , qanunvericiliyi , hərşeyi tiktokdan öyrənən xalqdır. Misir Qasımlı haqqında bass musiqi fonunda nə qədər video düzəltdilər. Özlərinə görə dəstək olurlar, Zelenski onların vorzakon videoların görüb əfv sərəncamı imzalayacaq. Dərd burasındadı ki Misir Qasımlı özü də radikal birinə çox bənzəyir. Adam hər videosunda, canlısında şəhadət barmağını yuxarı qaldırır, söyür, təhqir edir sonra da Azərbaycan höküməti və xalqından dəstək istəyir. Azərbaycan və Ukrayna səfirliyi önündə neçə dəfə Misir Qasımlıya azadlıq deyib çıxış etdilər. Ancaq faydasızdır. Absurddur. Misir qasımlı özü o qədər eforu normal vəkil tutmağa xərcləsə və öz işinə qarşı tam məsuliyyətli olsa məsələ çoxdan həll olunmuşdu. Əfsanəyə görə "irəvan Azərbaycandır" dediyinə görə həbsdədir. Mən də tiktok yorumlarından öyrəndim. Kim haqlıdır, kim haqsızdır deyə bilmərəm, hərhalda hadisəni öz gözümüzlə görməmişik. Amma vacib bir məsələni elə başda səbəbkar olmaqla bütün xalq o qədər gülünc vəziyyətə salıb ki, adam ciddiyə alıb yardım edə bilmir. Nəysə Allah Misir Qasımlı və Rəşad dağlının qapısın açsın! (Şəhadət barmağı emojisi)