66. 1. təhsildə 0-dan islahat: uşaq bağçalarının, məktəblərin, univetsitetlərin təhsil nazirliyi tərəfindən güclü nəzarətə götürülməsi, təhsilin hamı üçün məcburiliyi. 11 illik sistemin 10 ilə düşürülməsi, təhsil yaşının 7 yaşa qaldırılması, rus bölməsində (rus sektoru) təhsilin dayandırılması (dayandırmaq çox çətin məsələdir çünki, rusiya təzyiq edə bilər, bu sadəcə istəkdir), xarici dilin yüksək səviyyədə keçirilməsi, buna aiddir, xarici dildə sərbəst danışmaq üçün danışaraq öyrənmək metodundan istifadə, yəni qrammatikanın az əhəmiyyətliliyi, ingilis dili və rus dilinin xarici dil kimi mükəmməl səviyyədə öyrədilməsi.

azərbaycan dilinin dövlət dili kimi bütün məktəblərdə yüksək səviyyədə keçirilməsi. cinsi tərbiyənin mütləq şəkildə bağçada, məktəbdə və universitetlərdə öyrədilməsi.
(baxma: uşaqlar, biologiyadan səhifə 67-ni özünüz oxuyarsız).
cəmiyyət üçün böyük əhəmiyyətə malik kitabların məcburi oxudulması. misal üçün:
(baxma: qriqori petrov) - (bax: bəyaz zanbaqlar ölkəsində)

george orwell - (bax: 1984)

, (bax: heyvanıstan)

(bax: nikkolo makiavelli)

- (bax: hökmdar)

universitetlərin tam dövlət nəzarətinə götürülüb, ödənişsiz təhsil sisteminə keçirilməsi, bütün tələbələrə müəyyən qədər aylıq maddi yardım (təqaüd). tələbələr, şagirdlər üçün kitabxanalardan kitabların, dərgilərin, jurnalların ödənişsiz alınması (aylıq limitlə), muzey, teatr və bu kimi yerlərin, ictimai nəqliyyatın ödənişsiz olması. tələbələrin və şagirdlərin tətil müddətində bir neçə dəfə universitet və məktəblər tərəfindən ödənişsiz istirahət düşərgələrinə göndərilməsi.

müəllim maaşlarının almaniyada olduğu kimi bütün peşələrin maaşlarından yüksək olması. ictimai nəqliyyatın ödənişsiz olması, müəllim olmayan şəxslərə "müəllim" deyə xitabın qadağan olunması (bu biraz absurd ola bilər, amma vacibdir).

2. cümhuriyyət və 90-cı illərin öndərlərinin yeni nəslə aşılanması, ədəbiyyat və incəsənətə marağın oyadılması. elmin, ədəbiyyatın, incəsənətin təbliğatı. azərbaycan tarixi və ümumi tarixin saxtalaşdırılmadan keçirilməsi. dini etiqad azadlığı, fəlsəfənin yüksək səviyyədə tədris olunması, dinlərin ümumi tarixi (bura qətiyyən hansısa dinin təbliğatı aid deyil). azərbaycan dilinin dövlət dili kimi bütün dövlət müəssisələrində istifadə edilməsi, zərurət olmadıqca digər dillərdə danışmağın qadağan edilməsi (bəzi yerlərdə iki insan rusca danışır ki, yanlarındakı insan onları başa düşməsin, bəzən bu xəstəxana, aptek və ya başqa bir yer ola bilər).

3. rüşvətin bütün sahələrdə tamamilə aradan qaldırılması. rüşvəti təklif edən və qəbul edənlərin sərt cəzalandırılması, rüşvət hallarının baş verməsinin sayına görə həmin şəxs və ya şəxslərin cəzasının cərimə və azadlıqdan məhrum edilmə olması.

4. təbii sərvətlərin ölkə əhalisi arasında ədalətlə bölüşdürülməsi, pensiya, maaş və digər iqtisadi sahələrdə 0-dan islahatlar.

5. 18 yaşına çatmamış uşaqlara uşaqpulu verilməsi, yetkinlik yaşına çatmış şəxslərə müəyyən edilmiş aylıq maddi yardım. işsizlik göstəricisinin müəyyən edildikdən sonra işsizlərin normal işlərlə təmin edilməsi.

6. Hüquq və azadlıqların tam təmin olunması, konstitusiyaya tam əməl edilməsi. Qanunun həm fiziki şəxs, həm də hüquqi şəxs üçün keçərliliyi. Qanun pozuntusu aşkarlandıqda sərt cəza tədbirlərinin görülməsi.

7. Evlilik yaşının 21 edilməsi. Qanun pozuntusu baş verdikdə cütlüklərin valideynlərinin azadlıqdan məhrum edilməsi (sərt ola bilər, amma, cərimələnmə olsa, hamı qorxmadan edər, cəriməni də şirinlik kimi başa düşər, təəssüf ki, cəmiyyətimiz hələki belədir).

8. Şəffaf seçki.

Əlavələr ağlıma gəldikdə edit edə bilərəm. Son olaraq, prezident olsam belə bu yazdıqlarımın hamısının həyata keçməyəcəyini bilirəm, çünki bəziləri iqtisadi cəhətdən və ya başqa səbəblərdən (qanun çərçivəsindən kənarlaşmaq kimi) mümkünsüzdür.