67. Yazılan entrylərdən də göründüyü kimi,içimizdən bir prezident çıxsa,vəziyyət hal-hazırdakından çox da fərqli olmayacaq.
Məncə bu söhbətdə,biz fərd yox,sistem istəməliyik. Montesquieu və Con Lokk düşüncələrinin işlədiyi bir sistem. idarəedici,icraedici və məhkəmə hakimiyyətlərinin bir-birindən ayrı olduğu,amma biri-birinə nəzarət edə bildiyi bir sistem. Biz şərqlilər öyrəşmişik ki,Mərkəzi hakimiyyətdə bir nəfər olsun,ölkəni o tək əldən idarə eləsin. Bu isə tam adı ilə diktaturadır. Yəni bizim ailə modellərimizə də baxsanız görərsiniz ki,hər kəs Pater familiasa tabe olur. Yəni ailələrimiz də diktatura rejimində idarə olunur.
Yuxarıda yazar qeyd edib ki,mən universitetləri pulsuz filan edərdim. Mən buna da qarşıyam. Ümumiyyətlə dövlətin universitetlərdən əlini tamamilə çəkməli olduğunu düşünürəm. Ucuz və kefiyyətli təhsil deyə birşey olmur. Bunu kim sizin ağlınıza yerləşdirib mən bilmirəm. Onsuzda indi universitetlər bazara oxşuyur. Ağzı qara gədələr,tükəzbanlar hamısı universitetlərə doluşublar. Nə universitetlərin səviyyəsi var,nə təhsilin,nə də diplomun. Halbuki universitetlər elit yerlərdirlər.
Özətlə Hakimiyyət insanı pozur,mütləq hakimiyyət isə mütləq pozur. Hər prezident,potensial bir diktatordur. Bunu əngəlləyən isə (baxma: checks and balances)-dır. Bu isə bizim ölkəmizdə qətiyyən yoxdur. Trump kimi oliqarx bizim ölkəmizdə prezident olsa hər cür özbaşınalıq edə bilərdi. orda isə 4 ilin sonunda qapını göstərdilər. Richard Nixon məşhur:"When the President does it, that means that it is not illegal" sözlərindən sonra istefaya göndərilmişdi. Biz isə belə şeyləri adi xəbər kimi oxuyuruq. Əgər mənim əlimdə belə bir şey olsa mən fərdlərin gəlib gedəcəyi bir sistem inşa etməyə çalışardım.