98. Qızlara: bir-birinizə hava atmaqdan ötrü evdəkilərin mazqisinə oturmayın. imkan cırırsa o heç. Amma "gülyanaqda iphone 13 pro var məndə 14 pro olmalıdır" kimi boş həvəslər etməyin. "Gülyaz nişanlanıb, gülbadamın sevgilisi var, mən sapam ühühühü" düşüncəsinə qapılmayın. Universiteti podiumla, moda yarışması ilə səhv salmayın. Gözəl görünmək əlbəttə haqqınızdır, amma makiyaj dəstinə kəllə atmağa, günü gündən qısalan ətək, köynək, cırıq şalvar və s. geyinməyə ehtiyac yoxdur. Ətrafın diqqətini çəkdiyinizi zənn edəcəksiz. Çəkəcəksiz də, amma həm sizin xəyal etdiyiniz effekti verməyəcək (çünki ətrafda sizin kimi onlarla, yüzlərlə qız olacaq), həm də fikriniz xarici görüşünüzdə qalacaq. Dərs, kurs zad heç birinə diqqətinizi cəmləyə bilməyəcəksiz. Poza verib 100 dənə şəkil çəkdirməyə də ehtiyac yoxdur. Onsuz da içindən birini seçib effekt verəcəksiz və maksimum 24 saat (o da əgər silməsəz) storydə qalacaq və silinəcək.

Oğlanlara: playstation klublarda saatlarla oynamayın. 1-2 saat bəsdir. Əvəzində qrup yoldaşlarınızla toplaşın, stadionlardan birində futbol, voleybol zad oynayın (qızlar da bunu yoxlaya bilər sadəcə qızların toplaşıb voleybol filan oynadığını nə görmüşəm nə eşitmişəm). Bu həm dərslərin yükünü azaltmağa, imtahan stresini atmağa kömək edəcək, həm də fiziki aktiv olacaqsız. Eşqə düşməyə tələsməyin. Xalxın qızının dalıyca düşüb mazqisini xarab eləməyin. Sevmirsə, əl çəkin. Başqa faydalı işlərlə məşğul olun. Dil öyrənin. ixtisasınıza uyğun təcrübə proqramları ilə maraqlanın. Axtarışlar edin. Tiktokda boş-boş fırlanınca youtube-da faydalı kanalları izləyin, facebookda qruplara qoşulun, müzakirələr edin. Dəftəri qatlayıb dal cibə qoymaqla elə dala gedəssiz. Hər cür insan tipi ilə rastlaşacaqsız. "Varabiskoy" temalar, təsbehlə adam sındırmaq, lotuların hekayələri maksimum 2-ci kursun 2-ci semestrına qədər maraqlı olacaq.